Мiнicтэрства эканомiкi Рэспублiкi Беларусь
Пастановай Урада зацверджаны прапановы Мінэканомікі, накіраваныя на пашырэнне кола ўдзельнікаў конкурсу Нацыянальнага конкурсу «Прадпрымальнік года», спрашчэнне працэдуры падачы заявак і павышэнне надзейнасці конкурснага адбору.
Ключавыя змены:
Намінацыя «Паспяховы старт»
Крытэр па тэрміну дзейнасці пашыраны на адзін год: цяпер могуць удзельнічаць юрыдычныя асобы, зарэгістраваныя ад 2 да 5 гадоў на пачатак года, у якім праводзіцца конкурс (раней – ад 2 да 4 гадоў). Гэта дасць магчымасць большай колькасці маладых кампаній заявіць аб сабе.
Намінацыя «Стабільны поспех»
Адменена абмежаванне па маштабе бізнесу: цяпер у намінацыі могуць удзельнічаць суб'екты малога прадпрымальніцтва разам з сярэднім і буйным бізнэсам. Ініцыятыва закліканая стымуляваць рост малых прадпрыемстваў і адлюстраваць іх уклад у эканоміку.
Намінацыя «Эфектыўны індывідуальны бізнес»
Выключана патрабаванне аб неабходнасці выплаты ІП страхавых узносаў у ФСАН за каляндарны год, які папярэднічае году правядзення конкурсу. У сувязі з гэтым удзел у конкурсе змогуць прыняць таксама ІП, якія ў адпаведнасці з дзеючым заканадаўствам могуць добраахвотна выплачваць абавязковыя страхавыя ўзносы ў бюджэт дзяржаўнага пазабюджэтнага фонду сацыяльнай абароны насельніцтва Рэспублікі Беларусь.
Спрошчаная форма заяўкі для ўдзельнікаў
Форма заяўкі адаптаваная для зручнасці ўдзельнікаў: юрыдычныя асобы паказваюць сумы выплачаных падаткаў, збораў і страхавых узносаў у тысячах рублёў; ІП – у рублях. Такі падыход ўлічвае розніцу ў маштабах паказчыкаў і адпавядае практыцы статыстычнай справаздачнасці.
Удакладнены патрабаванні да афармлення конкурсных дакументаў
Пакет конкурсных матэрыялаў цяпер можа ўключаць: выпіскі з пратаколаў пасяджэнняў арганізацыйных камітэтаў; копіі пратаколаў з рашэннямі аб выбары ўдзельнікаў, якія паказалі лепшыя вынікі.