Мiнicтэрства эканомiкi Рэспублiкi Беларусь
Сёння, 13 ліпеня 2026 г.пад старшынствам намесніка міністра эканомікі Алесі Абраменкі адбылося пасяджэнне беларускіх частак рабочых груп па супрацоўніцтве Рэспублікі Беларусь з Уладзімірскай вобласцю і Рэспублікай Саха (Якуція) Расійскай Федэрацыі. У пасяджэнні прынялі ўдзел прадстаўнікі дзяржорганаў, выканкамаў і прадпрыемстваў, якія актыўна супрацоўнічаюць з дадзенымі расійскімі рэгіёнамі.
Цэнтральная тэма парадку дня – вынікі і рэзервы росту ўзаемнага гандлю.
У 2025-м тавараабарот Беларусі і Уладзімірскай вобласці перавысіў 550 млн.дол., дасягнуўшы гістарычнага максімуму. У студзені–маі беларускі экспарт таксама дэманструе добрую дынаміку, павялічыўшыся на 16,5%.
Працягваецца актыўная праца па рэалізацыі знакавага сумеснага праекта па будаўніцтву Палаца юстыцыі ў г. Уладзіміры з удзелам беларускага боку.
Па выніках пяці месяцаў 2026-га назіраецца пазітыўная дынаміка паставак айчынных тавараў і ў Якуцію: рост у 4 разы ў параўнанні з аналагічным перыядам 2025-га. Разам з тым, Беларусь гатова пашыраць наменклатуру продажаў, выкарыстоўваючы тэхналагічныя рашэнні і эфектыўныя схемы лагістыкі Прадстаўніцтва АТ «Чыгункі Якуціі» ў г.Мінску для кансалідацыі ўзаемных грузапатокаў.
У рамках пасяджэння таксама быў разгледжаны ход рэалізацыі планаў і пратаколаў даручэнняў, абмеркаваны магчымасці пашырэння ўзаемадзеяння з Уладзімірскай вобласцю і Рэспублікай Саха (Якуція) у прамысловасці, АПК, будаўніцтве і іншых сферах.