Алеся Абраменка: для айчынных вытворцаў адкрываюцца новыя магчымасці экспарту тавараў у аддаленыя рэгіёны Расіі

Пра гэта заявіла сёння, 29 ліпеня 2025 года, намеснік Міністра эканомікі Рэспублікі Беларусь Алеся Абраменка падчас цырымоніі адкрыцця філіяла АТ «АК «Чугунка Якуціі» ў горадзе Мінску.

Прадстаўніцтва адкрываў Першы намеснік Старшыні Урада Рэспублікі Саха (Якуція) Андрэй Фядотаў.

Алеся Абраменка адзначыла, што ў айчынных вытворцаў з’яўляюцца новыя магчымасці для паставак сваёй прадукцыі ў самыя аддаленыя рэгіёны Расіі.

«Адкрыццё прадстаўніцтва — важны крок насустрач інтэграцыі нашых транспартных сістэм. Мы ствараем новую мадэль лагістыкі, якая дазволіць нарошчваць узаемныя пастаўкі, выключыць лішніх пасярэднікаў, знізіць транспартныя выдаткі.

Нашым вытворцам неабходна актыўна выкарыстоўваць новыя перспектывы», — падкрэсліла намеснік Міністра.

Адкрыццё філіяла дазволіць:

фарміраваць кантэйнерныя цягнікі, што павялічыць аб’ёмы грузаперавозак;

скараціць колькасць пасярэднікаў у ланцугу паставак. Гэта істотна знізіць выдаткі бізнесу і павысіць канкурэнтаздольнасць нашай прадукцыі ў рэгіёне;

спрасціць лагістыку: тэрмін дастаўкі прадукцыі скараціцца да 11 дзён