Алеся Абраменка: паслушна-інвестыцыйнае пагадненне паміж Беларуссю і Кітаем дапаможа ў рэалізацыі новых сумесных праектаў і ініцыятыў

Сёння ў фармаце відэаканферэнцсувязі адбылося першае пасяджэнне Сумеснага камітэта па рэалізацыі пагаднення паміж Урадамі Беларусі і Кітая аб гандлі паслугамі і ажыццяўленні інвестыцый, які ўступіў у сілу 1 студзеня 2026 года.

Сустаршынёй Сумеснага камітэта ад беларускага боку з'яўляецца намеснік міністра эканомікі Алеся Абраменка.

«Асаблівая значнасць Пагаднення заключаецца ў тым, што для Беларусі гэта першы падобны міжнародны дагавор з краінай за межамі ЕАЭС і СНД», – заявіла, адкрываючы пасяджэнне, намеснік кіраўніка эканамічнага ведамства.

Падчас мерапрыемства была адзначана станоўчая дынаміка ва ўзаемным гандлі паслугамі: па выніках 2025-га яе аб'ём вырас больш чым на 70 %. Інвестыцыйная дзейнасць таксама дэманструе станоўчую дынаміку – Кітай у апошнія гады ўваходзіць у топ-5 краін-інвестараў у Беларусь.

На пасяджэннi бакі прадметна абмеркавалі ключавыя напрамкі па рэалізацыі Пагаднення, пацвердзілі ўзаемную зацікаўленасць у аператыўным вырашэнні ўзнікаючых пытанняў, далейшым развіцці партнёрства і напаўненні мерапрыемстваў па рэалізацыі дакумента практычным зместам.

«Пры належным выкарыстанні іх патэнцыялу такія дакументы становяцца «мостам» для рэалізацыі канкрэтных ініцыятыў і праектаў», - рэзюмавала Алеся Абраменка.