Алеся Абраменка: ратыфікацыя Пагаднення дазволіць актывізаваць супрацоўніцтва Беларусі і ААЭ ў сферы паслуг і інвестыцый

Сёння, 24 лістапада 2025 г., на пасяджэнні Палаты прадстаўнікоў Нацыянальнага сходу Рэспублікі Беларусь Намеснік Міністра эканомікі Алеся Абраменка выступіла з дакладам па праекце Закона ««О ратификации Соглашения между Правительством Республики Беларусь и Правительством Объединенных Арабских Эмиратов о торговле услугами и осуществлении инвестиций».

У дакладзе зроблены акцэнт на паглыбленне эканамічных сувязяў з Аб'яднанымі Арабскімі Эміратамі, фарміраванне шырокіх магчымасцяў для бізнесу. Пагадненне падкрэслівае ўзаемную прыхільнасць Беларусі і ААЭ прынцыпам свабоднага гандлю і стварэння спрыяльнага дзелавога клімату, што, несумненна, прынясе доўгатэрміновыя выгады для эканомікі і дабрабыту грамадзян краін.

У прыватнасці, Пагадненне замацоўвае для Беларусі доступ на рынак ААЭ на ўмовах, больш спрыяльных у параўнанні з прадастаўляемымі большасці краін свету. ААЭ таксама ўваходзіць у «прэферэнцыйны пул» стратэгічных партнёраў Беларусі, якім прадастаўляюцца гарантыі недыскрымінацыі на беларускім рынку.

Адначасова Пагадненне стварае спрыяльную і празрыстую прававую аснову для гандлю паслугамі, забяспечваючы стабільныя і прадказальныя ўмовы для вядзення бізнесу. Яно дазволіць лібералізаваць двухбаковы гандаль паслугамі, палягчаючы доступ беларускіх і эмірацкіх кампаній на рынкі адзін аднаго. У частцы доступу на рынак паслуг паводле папярэдніх ацэнак ААЭ ўзялі абавязацельствы па 114 сектарах, Беларусь – па 113 сектарах.

«Паводле прагнозных ацэнак, па меры рэалізацыі дамоўленасцяў прырост экспарту паслуг у сярэднетэрміновай перспектыве складзе каля 65% з адначасовым павелічэннем імпарту паслуг на 21%», – адзначыла намеснік міністра эканомікі.

Пагадненне дэманструе паслядоўную палітыку Рэспублікі Беларусь па пашырэнні геаграфіі эканамічнага супрацоўніцтва і ўмацавання даверу з ключавымі глабальнымі партнёрамі.

Па выніках абмеркавання законапраект падтрыманы дэпутатамі.