Мiнicтэрства эканомiкi Рэспублiкi Беларусь
Пра гэта заявіў сёння, 29 кастрычніка 2026г., намеснік міністра эканомікі Аляксей Зубовіч, прадстаўляючы на пляцоўцы Гомельскага аблвыканкама дэлегатам Усебеларускага народнага сходу ад рэгіёна папярэднія вынікі рэалізацыі Праграмы-2030 у бягучым годзе.
У сваім выступленні намеснік міністра зрабіў асаблівы акцэнт на праведзенай працы па пераадоленні выклікаў дэмаграфічнай бяспекі, з якімі ў той ці іншай ступені сутыкаюцца развітыя краіны свету. Яе рашэнне ў бягучай пяцігодцы забяспечваецца праз выкананне трох задач: павялічыць колькасць народжаных, павысіць працягласць жыцця, знізіць смяротнасць.
«Працягваем падтрымліваць шматдзетныя сем'і: у 26-м памер сямейнага капіталу вырас да 35,5 тыс.рублёў, адкрыта 5,9 тысяч новых рахункаў. Павялічваюцца і штомесячныя дапамогі па догляду за дзецьмі. У поўным аб'ёме захоўваюцца падатковыя, працоўныя, жыллёвыя і іншыя меры падтрымкі.
Дзяржава зрабіла крок насустрач і тым, у каго самастойна не атрымліваецца спазнаць радасць бацькоўства і мацярынства: пашыраны магчымасці выкарыстання ЭКА, дзякуючы чаму на свет ужо з'явілася 604 маленькіх беларуса.
Для павышэння прэстыжу інстытута шлюбу не менш важная матывацыя прыкладам. У бягучым годзе ва ўсіх рэгіёнах краіны прайшлі конкурсы, фестывалі і форумы, закліканыя папулярызаваць гісторыi бацькоў, якія паспяхова сумяшчаюць працу і выхаванне дзяцей. І гэтая піяр-кампанія таксама дае вынікі. Па апытаннях НАН за год значнасць сям'і ў іерархіі каштоўнасцяў вырасла з 49,6 да 50,8 працэнта.
У сваю чаргу ключавыя складнікі актыўнага даўгалецця – даступная медыцынская дапамога і здаровы лад жыцця. І дзяржава рэагуе на гэтыя патрэбы, інвестуючы значныя сродкі ў развіццё інфраструктуры на месцах. Сёлета ў рэгіёнах адкрылася 5 паліклінік і бальніц, а сетку спартыўных устаноў папоўнілі 4 новыя аб'екты. Гэта азначае, што ў нашых людзей з'явілася больш магчымасцяў падтрымліваць добрую фізічную форму, а, пры неабходнасці, атрымаць хуткае і бяспечнае лячэнне», – адзначыў Аляксей Зубовіч.