Андрэй Гапановіч: своечасовае рашэнне аб санацыі дазваляе захаваць прадпрыемства і паскарае яго выхад на эфектыўную працу

Начальнік упраўлення па санацыі і банкруцтву па Г. Мінску і Мінскай вобласці прыняў удзел у выязным пасяджэнні Эканамічнага суда Мінскай вобласці, якое праходзіла на пляцоўцы ТАА «Салеа» – кіруючая кампанія холдынгу» (г.Дзяржынск).

Прадпрыемства знаходзіцца ў працэдуры санацыі з красавіка 2021 года. Дзякуючы выкарыстанню інструментаў фінансавага аздараўлення, прадугледжаных заканадаўствам аб урэгуляванні неплацежаздольнасці, ужо больш за чатыры гады арганізацыя працуе стабільна: захаваны працоўныя месцы для 154 чалавек, своечасова выплачваюцца зарплата, падаткі і іншыя плацяжы.

Больш за тое, прадпрыемства бачыць перспектывы свайго далейшага развіцця, актыўна ўдзельнічае ў вытворчай кааперацыі з айчыннымі флагманамі машынабудавання: выпушчаныя ім вопытныя ўзоры новага пакалення гідраразмеркавальнікаў праходзяць выпрабаванні на тэхніцы МТЗ, вядзецца праца для запуску іх у серыйную вытворчасць.

«Такія вынікі сведчаць аб эфектыўнасці механізмаў абароны прадпрыемстваў ад стану неплацежаздольнасці», – рэзюмаваў Андрэй Гапановіч.