Мiнicтэрства эканомiкi Рэспублiкi Беларусь
Сёння, 14 мая 2026 года, на пляцоўцы Дзяржаўнага камітэта па навуцы і тэхналогіях пад кіраўніцтвам Міністра эканомікі Юрыя Чабатара і старшыні ДКНТ Дзяніса Каржыцкага адбылося сумеснае пасяджэнне калегій двух ведамстваў.
На парадку дня – пытанні павышэння навукаёмістасці ВУП, стымулявання развіцця высокатэхналагічных відаў дзейнасці і ацэнкі эфектыўнасці НВК(Т)Р.
Падчас пасяджэння Міністр эканомікі нагадаў, што ПСЭР-2030 прадугледжаны рост навукаёмістасці ВУП не менш за 1%. Рэалізацыя гэтай задачы патрабуе суладнай працы па многіх напрамках адначасова.
«Нам неабходна стварыць паўнавартасную экасістэму, дзе навуковыя ідэі хутка трансфармуюцца ў перспектыўныя праекты, а затым і ў серыйную вытворчасць», – адзначыў Юрый Чабатар.
Абмяркоўваючы падыходы да ацэнкі эфектыўнасці НВК(Т)Р, кіраўнік эканамічнага ведамства пазначыў прыярытэт: «навука не можа існаваць у адрыве ад рэальнага сектара: вынікі даследаванняў павінны ўвасабляцца ў тэхналогіях, прадуктах і рашэннях, якія працуюць на эканоміку і паляпшаюць якасць жыцця людзей. Не менш важная задача – скараціць шлях ад ідэі да серыйнага выпуску. Толькі так мы зможам забяспечыць тэхналагічны суверэнітэт і ўмацаваць свае пазіцыі на знешніх рынках».
Асаблівую ўвагу ўдзельнікі пасяджэння надалі пытанню дапаўнення пераліку высокатэхналагічных тавараў.
"Гэты пералік – па сутнасці, «дарожная карта» для бізнесу. Дзяржава актыўна стымулюе кампаніі асвойваць выпуск такой прадукцыі, бо гэта спрыяе зніжэнню залежнасці ад імпарту і росту канкурэнтаздольнасці тавараў пад маркай «Зроблена ў Беларусі», – рэзюмаваў Юрый Чабатар.