Мiнicтэрства эканомiкi Рэспублiкi Беларусь
Пра гэта заявіў сёння, 2 лютага 2026 года, міністр эканомікі Юрый Чабатар на пасяджэнні Савета Міністраў Саюзнай дзяржавы.
Як адзначыў кіраўнік Міністэрства, за мінулыя два гады ў рамках Асноўных напрамкаў рэалізацыі палажэнняў саюзнага Дагавора на 2024-2026 гады прынята 35 актаў Саюзнай дзяржавы: Пагадненнi аб парадку прызнання ЭЛП і аб парадку ўзаемнага выканання пастаноў судоў, Дагавор аб стварэнні аб'яднанага рынку электраэнергіі, Пратакол аб агульных прынцыпах падаткаабкладання па ўскосных падатках, Дэкрэты па адзінай промполитике і па адзіных правілах абароны правоў спажыўцоў і іншыя нарматыўныя прававыя акты.
У бягучым годзе трэба будзе завяршыць 60% ад усіх пастаўленых задач. Сярод іх узаемны допуск да ўдзелу ў біржавых таргах, прававое афармленне адзінай аграрнай палітыкі, укараненне трансгранічных плацяжоў у нацыянальных лічбавых валютах, запуск «пілота» па ЭЛП, і што асабліва важна для зручнасці грамадзян – арганізацыя прыгранічных прыгарадных чыгуначных перавозак.
Аналагічны прынцып – мерапрыемствы з канкрэтным вынікам па іх завяршэння закладзены і ў праекце асноўных напрамкаў на наступны трохгадовы цыкл.
«У праекце дакумента 14 раздзелаў. На парадку дня – практычныя пытанні адзінай аграрнай палітыкі, энергетыкі і транспарту, аховы здароўя, турызму, развіцця чалавечага патэнцыялу.
Працягнем працу па сумесных дзеяннях у галіне інвестыцый, МСП, статыстыкі, фарміраванні прававой прасторы.
З новых трэкаў – лічбавае развіццё, крэатыўная эканоміка, экалогія.
Яшчэ адзін напрамак, якія мы лічым важным уключыць у дакумент, – узгодненыя меры па развіцці гандлю. Напрыклад, аб дзейнасці маркетплейсаў.
Ядро дакумента – раздзел па прамысловай палітыцы і тэхналагічным суверэнітэце. У ім вызначаны перспектыўныя галіны для кааперацыйнага супрацоўніцтва: станка - і аўтамабілебудаванне, сельгаспадарчая і спецтэхніка, электронныя кампаненты, нафтахімія, сумеснае развіццё тэхналогій», – растлумачыў Юрый Чабатар.
Рэзюмуючы, міністр эканомікі Беларусі падкрэсліў, што паглыбленне інтэграцыі будзе спрыяць эканамічнаму росту Саюзнай дзяржавы.
«З улікам параметраў зацверджанага саюзнага прагнозу да 2028 года, чакаем, што ў выніку сумесных намаганняў узаемны гандлёвы абарот нашых краін перавысіць 60 млрд долараў», – падсумаваў Юрый Чабатар.