Юрый Чабатар правёў шэраг сустрэч і перамоў у рамках рабочай паездкі ў г. Масква

На сустрэчы міністра эканомікі з Дзяржсакратаром Саюзнай дзяржавы Сяргеем Глазьевым абмяркоўвалі шырокі спектр пытанняў: ад рэалізацыі саюзных праграм да ўдасканалення механізмаў фінансавання сумесных праектаў, накіраваных на імпартазамяшчэнне і дасягненне тэхналагічнага суверэнітэту.

Асобнымі тэмамі для гутаркі стала фарміраванне эканамічнай мадэлі Саюзнай дзяржавы, функцыянаванне навукова-экспертнага савета пры Пастаянным камітэце Саюзнай дзяржавы і кадравага забеспячэння працы Пастаяннага камітэта Саюзнай дзяржавы.

У завяршэнне сустрэчы Юрый Чабатар падзякаваў Сяргею Глазьеву за асабісты ўклад у фарміраванне стратэгічных дакументаў развіцця Саюзнай дзяржавы. 

Рабочы візіт Міністра эканомікі прадоўжыўся сустрэчай з членам калегіі (міністрам) па канкурэнцыі і антыманапольным рэгуляванні ЕЭК Максімам Ермаловічам.

Цэнтральная тэма перамоў-выкананне Плана мерапрыемстваў па рэалізацыі стратэгічных напрамкаў развіцця еўразійскай эканамічнай інтэграцыі да 2025 года, а таксама распрацоўка Дэкларацыі аб далейшым развіцці эканамічных працэсаў у рамках ЕАЭС да 2030 года і на перыяд да 2045 года «Еўразійскі эканамічны шлях».

Таксама Юрый Чабатар і Максім Ермаловіч абмеркавалі актуальныя пытанні Еўразійскага парадку дня, якія знаходзяцца ў пастаянным фокусе ўвагі беларускага боку, і падрыхтоўку да пасяджэння Еўразійскага міжурадавага савета, якое пройдзе ў г. Мінску 29-30 верасня 2025 г.