Мiнicтэрства эканомiкi Рэспублiкi Беларусь
Пра гэта паведаміў сёння, 26 лістапада 2025 года, міністр эканомікі Юрый Чабатар, прадстаўляючы дэлегатам Усебеларускага народнага сходу ад Мінскай вобласці праект Праграмы сацыяльна-эканамічнага развіцця Рэспублікі Беларусь на 2026 – 2030 гады.
Як адзначыў Юрый Чабатар, якасныя дарогі, даступны транспарт, жыллё – гэта аснова для камфортнага жыцця нашых людзей.
«Значныя рэсурсы плануецца накіраваць на будаўніцтва і рэканструкцыю арэнднага жылля. Такое рашэнне дазволіць утрымаць кваліфікаваныя кадры ў рэгіёнах, знізіць узровень унутранай міграцыі. Асаблівая ўвага будзе нададзена будаўніцтву там, дзе плануецца рэалізацыя буйных вытворчых праектаў. Рэалізацыі гэтай задачы будзе спрыяць створаная інстытуцыянальная база па новых інструментах падтрымкі будаўніцтва арэнднага жылля», - распавёў міністр.
Па словах кіраўніка эканамічнага ведамства, задача павышэння камфортнасці жыцця будзе рэалізоўвацца таксама за кошт рэканструкцыі і капітальнага рамонту аўтамабільных дарог. За 5 гадоў прадугледжваецца абнаўленне парадку 25 тысяч кіламетраў дарожнага палатна. Усе дарогі ад райцэнтраў да аграгарадкоў атрымаюць удасканаленае пакрыццё. Асаблівы акцэнт – забеспячэнню транспартнай даступнасці.
«Якасныя дарогі забяспечаць рост рэгіянальнай эканомікі, прыцягненне інвестыцый і павышэнне мабільнасці нашых грамадзян», – падкрэсліў Юрый Чабатар.
Новыя стандарты камфорту стануць асновай пяцігодкі якасці.
«Да 2030 года мяркуецца ўкараніць не менш за пяць такіх стандартаў. Гаворка ідзе аб якасным пераўтварэнні жылога фонду і дваровых тэрыторый, добраўпарадкаванні населеных пунктаў, забеспячэнні насельніцтва водазабеспячэннем і водаадвядзеннем.
Пастаўленыя задачы будуць рэалізаваны праз чатыры дзяржаўныя праграмы: «Будаўніцтва жылля», «Дарогі Беларусі», «Транспарт Беларусі», «Камфортнае жыллё і спрыяльнае асяроддзе», – адзначыў Міністр эканомікі.