Калектыў Мінэканомікі прыняў удзел у дабрачыннай акцыі «Нашы дзеці»

Сёння па добрай традыцыі супрацоўнікі міністэрства на чале з намеснікам міністра эканомікі Марыяй Мажынскай прыехалі ў госці да нашых маленькіх сяброў у Мінскі гарадскі дзіцячы сацыяльны пансіянат «Сонечны», каб прыняць удзел у святочным ранішніку і ўручыць падарункі.

«Хочацца пажадаць усім: і дарослым, і дзецям, каб у новым годзе спраўдзіліся вашы самыя запаветныя мары. А мы са свайго боку будзем рабіць усё, што ад сябе залежыць, каб у гэтае чароўнае свята кожны з вас адчуў, што яго любяць. Бо часам нават маленькая радасць становіцца вялікай крыніцай надзеі», – падкрэсліла ў сваім віншаванні Марыя Мажынская.

Выхаванцы пансіяната падрыхтавалі для гасцей яскравае прадстаўленне і памятныя сувеніры, зробленыя сваімі рукамі.

Свята атрымалася на славу!