Мінэканомікі працягвае серыю сустрэч з прадпрымальнікамі ў рэгіёнах

Сёння, 4 чэрвеня 2026 г., дырэктар Дэпартамента па прадпрымальніцтве Вольга Русіновіч знаходзіцца з працоўнай паездкай у г. Светлагорск Гомельскай вобласці.

Кіраўнік дэпартамента сустрэлася з прадстаўнікамі дзелавой супольнасці рэгіёна. З прадпрымальнікамі абмеркавалі праблемныя пытанні вядзення бізнесу і магчымыя шляхі іх вырашэння. Сярод найбольш актуальных тэм: цэнавае рэгуляванне, пералікі відаў дзейнасці для ІП, складанасць працэдуры атрымання ліцэнзіі на медыцынскія паслугі, залішняя колькасць справаздачнасці для юрыдычных асоб.

Вольга Русіновіч таксама азнаёмілася з дзейнасцю мясцовых цэнтраў падтрымкі прадпрымальніцтва ТАА "Фінансавы рай" і ТАА "Светлагорскі дзелавы партнёр". З кіраўнікамі арганізацый абмеркавалі бягучую сітуацыю і перспектывы працы цэнтраў.

Больш інфармацыі аб дзейнасці суб'ектаў інфраструктуры падтрымкі МСП можна даведацца на лічбавай платформе мсп.бел.