Мінэканомікі зацікаўлена ва ўмацаванні сувязяў і абмене вопытам з калегамі з Узбекістана

14 кастрычніка 2025 г. адбылася сустрэча намесніка міністра эканомікі Кірыла Машарскага з дэлегацыяй Рэспублікі Узбекістан на чале з першым намеснікам міністра эканомікі і фінансаў Ільхомам Норкулавым.

Цэнтральнай тэмай перамоў сталі перспектыўныя напрамкі міжведамаснага супрацоўніцтва. 

Узбекскія калегі адзначылі важнасць выкарыстання ведаў і вопыту нашай краіны ў развіцці малога і сярэдняга прадпрымальніцтва, планаванні тэрытарыяльнага развіцця, выказалі зацікаўленасць у наладжванні кантактаў эканамічных ведамстваў дзвюх краін. 

Вялікая ўвага была ўдзелена перспектыўным напрамкам паглыблення двухбаковых адносін Беларусі і Узбекістана.