На адзіным дні інфармавання ў Мінэканомікі абмеркавалі пытанні прафілактыкі кіберзлачынстваў

Сёння ў Міністэрстве эканомікі ў рамках «інфармацыйнай гадзіны» адбылася сустрэча, прысвечаная актуальнай тэме-прафілактыцы кіберзлачынстваў і абароне грамадзян ад дзеянняў інтэрнэт-махляроў.

Госцем мерапрыемства стаў намеснік начальніка Галоўнага ўпраўлення па супрацьдзеянні кіберзлачыннасці Міністэрства ўнутраных спраў Аляксандр Рынгевіч. У сваім выступе ён падрабязна спыніўся на сучасных схемах, да якіх звяртаюцца зламыснікі для завалодання грашовымі сродкамі грамадзян. Былі прыведзены прыклады найбольш рэзанансных выпадкаў, а таксама раскрытыя механізмы, якімі карыстаюцца злачынцы для ўвядзення людзей у зман.

Асаблівую ўвагу дакладчык надаў пытанням лічбавай пісьменнасці і неабходнасці ўважлівага стаўлення да ўласнай інфармацыйнай бяспекі. Аляксандр Рынгевіч даў практычныя рэкамендацыі, як распазнаць патэнцыйна небяспечныя сітуацыі, якія прыкметы павінны насцярожыць пры зносінах у сетцы, і якія крокі варта зрабіць, каб не стаць ахвярай махляроў.