Супрацоўнікі Мінэканомікі прынялі ўдзел у акцыі «Дай лесу новае жыццё!»

17 кастрычніка 2026 года ў Беларусі стартавала добраахвотная грамадская акцыя «Дай лесу новае жыццё!», у якой возьмуць удзел тысячы грамадзян. Для Міністэрства эканомікі пасадка дрэў – гэта добрая, шматгадовая традыцыя: з 2012 года супрацоўнікі ведамства штогод уносяць уклад у аднаўленне лясных багаццяў краіны.

Аб'яднаная каманда міністэрства і падведамных арганізацый на чале з Міністрам эканомікі Юрыем Чабатаром сёння добра папрацавала ў Бялыніцкім лясгасе: агульнымі намаганнямі на плошчы каля 2 гектараў былі высаджаны саджанцы елкі і хвоі.

Юрый Чабатар падкрэсліў, што беражлівыя адносіны да лясных рэсурсаў – важны элемент доўгатэрміновай эканамічнай стратэгіі:

«Дрэваапрацоўка – адна з ключавых галін эканомікі, і сёння мы робім стаўку на глыбокую і безадходную перапрацоўку драўніны, рэалізацыю інвестыцыйных праектаў па выпуску высокамаржынальнай прадукцыі. Але падмуркам для ўстойлівага развіцця галіны застаецца захаванне і прымнажэнне прыроднага капіталу.

Таму пасадка лесу – гэта адначасова клопат пра экалогію і інвестыцыі ў эканоміку на дзесяцігоддзі наперад. Лес, які мы высаджваем сёння, стане рэсурсам для прадпрыемстваў і асновай новых працоўных месцаў для будучых пакаленняў».