Мiнicтэрства эканомiкi Рэспублiкi Беларусь
Пра гэта заявіла сёння, 17 ліпеня 2026 года, дырэктар Дэпартамента па прадпрымальніцтву Вольга Русіновіч, выступаючы з дакладам на міжнародным форуме «Стратэгія і мэты ўстойлівага развіцця з жаночым тварам», які праходзіў у рамках XXXV Міжнароднага фестывалю «Славянскі базар у Віцебску».
Як падкрэсліла ў сваім выступленні прадстаўнік Мінэканомікі, у Беларусі выбудавана шматузроўневая сістэма падтрымкі бізнесу незалежна ад полу і ўзросту.
«У рамках дзяржпраграмы «Устойлівае прадпрымальніцтва» на 2026-2030 гады прадпрымальным беларускам даступны льготнае крэдытаванне, лізінг, паручыцельства, субсідаванне працэнтных ставак і іншыя інструменты дзяржаўнай фінансавай падтрымкі. Толькі за 2025-ы яе атрымалі каля 60 прадпрыемстваў пад кіраўніцтвам жанчын.
З красавіка 2022-га дзейнічае пагадненне паміж Мінэканомікі, БСЖ і Белінвестбанкам, накіраванае на ліквідацыю бар'ераў развіцця жаночага прадпрымальніцтва. За няпоўныя чатыры гады праведзена больш за 70 мерапрыемстваў – круглых сталоў, трэнінгаў, семінараў, кожнае з якіх матывавала прадстаўніц прыгожага полу самарэалізавацца ў бізнэсе», – распавяла Вольга Русіновіч.
У сваім выступе дырэктар дэпартамента асабліва адзначыла асаблівую сацыяльную ролю жаночага бізнесу – самаразвіццё як асобы, клопат пра грамадства, уменне камунікаваць адзін з адным. Таму ў планах больш актыўна задзейнічаць бізнес-вумэн у мерапрыемствах па ўключэнню ў прадпрымальніцкую дзейнасць асоб срэбнага ўзросту.
«Людзі старэйшага пакалення валодаюць каласальным жыццёвым і прафесійным вопытам. І наша мэта – стварыць максімальныя спрыяльныя ўмовы для таго, каб яны, абапіраючыся на гэты капітал, змаглі адкрыць сваю справу.
Сумесна з ПРААН у мінулым годзе мы апрабавалі універсальную мадэль падтрымкі «срэбнага» прадпрымальніцтва. На выхадзе атрымалі так званае» «скрынкавае рашэнне»: па сутнасці, гатовы набор методык і інструментаў для рэгіянальных цэнтраў падтрымкі прадпрымальніцтва.
Пілотная праграма была паспяхова рэалізавана ў 10 гарадах Беларусі, ахапіўшы каля 500 дзеючых і патэнцыйных прадпрымальнікаў ва ўзросце «50 плюс». І ў бягучым годзе наша задача маштабаваць гэты вопыт па ўсёй краіне», – рэзюмавала Вольга Русіновіч.