Мiнicтэрства эканомiкi Рэспублiкi Беларусь
Пастановай Савета Міністраў Рэспублікі Беларусь ад 30 верасня 2025 г. № 538 вызначаны пераможцы Нацыянальнага конкурсу ад абласцей і г. Мінска ў пяці намінацыях: «Паспяховы старт», «Стабільны поспех», «Эфектыўны бізнес у сферы вытворчасці», «Эфектыўны бізнес сферы паслуг» і «Эфектыўны індывідуальны бізнес».
Звання «Ганаровы прадпрымальнік» у гэты раз удастоены чатыры арганізацыі, прызнаныя «прадпрымальнікамі года» на працягу двух гадоў запар.
Па традыцыі ўзнагароджанне пераможцаў пройдзе ва ўрачыстай абстаноўцы. Лепшым з лепшых будуць уручаны дыпломы, памятныя прызы, грашовыя ўзнагароды, а таксама падарункі ад партнёраў цырымоніі.
Міністэрства эканомікі віншуе пераможцаў з заслужанай узнагародай і жадае не спыняцца на дасягнутым, верыць у свае сілы і сваю каманду, рухацца толькі наперад і пакараць любыя вяршыні!
Астатнім удзельнікам конкурсу – не губляць аптымізму і веры ў перамогу, упэўнена ісці да пастаўленых мэт і дасягаць новых вышынь.