Інфармацыя аб парадку прадстаўлення справаздачы аб ходзе рэалізацыі праекта (праграмы) міжнароднай тэхнічнай дапамогі ў Міністэрства эканомікі
У адпаведнасці з п.6 Главы 2 Палажэння аб парадку правядзення ацэнкі рэалізацыі праектаў (праграм) міжнароднай тэхнічнай дапамогі і іх эфектыўнасці, зацверджаным пастановай Савета Міністраў Рэспублікі Беларусь ад 26 лістапада 2004 г. № 1513, атрымальнікамі міжнароднай тэхнічнай дапамогі, якія падалі заяву аб рэгістрацыі* праекта (праграмы) міжнароднай тэхнічнай дапамогі да 15 студзеня года, наступнага за справаздачным, у Міністэрства эканомікі прадстаўляюцца справаздачы аб ходзе рэалізацыі праектаў (праграм) міжнароднай тэхнічнай дапамогі па ўстаноўленай форме. Пасля завяршэння рэалізацыі праекта (праграмы) міжнароднай тэхнічнай дапамогі выніковая справаздача за ўвесь тэрмін рэалізацыі праекта (праграмы) прадстаўляецца не пазней 40 дзён з даты заканчэння тэрміну яго (яе) рэалізацыі.
Форма справаздачы запаўняецца шрыфтам Times New Roman, памер шрыфта 14 пт на друкавалай прыладзе ЭВМ з абавязковым запаўненнем ўсіх неабходных граф. Выдаленне граф з формы не дапускаецца.
Дадзеным Палажэннем вызначана працэдура комплекснай экспертызы ходу рэалізацыі праектаў міжнароднай тэхнічнай дапамогі, якая ўжываецца ў выпадку:
- неаднаразовага парушэння тэрмінаў прадстаўлення ў Міністэрства эканомікі справаздач аб ходзе рэалізацыі праектаў (праграм) міжнароднай тэхнічнай дапамогі;
- усталявання ўпаўнаважанымі дзяржаўнымі органамі нямэтавага выкарыстання міжнароднай тэхнічнай дапамогі і прадстаўленні такімі органамі адпаведнай інфармацыі ў Міністэрства эканомікі;
- перавышэння штогадовага кошту рэалізацыі міжнароднай тэхнічнай дапамогі сумы, эквівалентнай 300 тыс. долараў ЗША;
- прадстаўлення атрымальнікам або донарам міжнароднай тэхнічнай дапамогі заяўкі аб неабходнасці правядзення комплекснай экспертызы.
Па выніках разгляду неабходнасці правядзення комплекснай экспертызы старшыня Камісіі сцвярджае план правядзення комплексных экспертыз, у якім вызначаюцца адказныя дзяржаўныя органы за яе правядзенне.
* Справаздачы ў Міністэрства эканомікі падаюцца адной арганізацыяй-заяўнікам ад імя ўсіх атрымальнікаў праекта МТД.