Акадэмія кіравання пры Прэзідэнце стала першай у Беларусі установай, якая атрымала статус «бізнес-школа»

Міністрам эканомікі 30 кастрычніка прынята рашэнне аб прадастаўленні Акадэміі кіравання пры Прэзідэнце Рэспублікі Беларусь статусу «бізнес-школа». Такім чынам, яна стала першым у нашай краіне установай, якія атрымалі дадзены статус.

Сёння, 6 лістапада 2025г., намеснік міністра эканомікі Марыя Мажынская ва ўрачыстай абстаноўцы ўручыла пасведчанне №1 рэктару Акадэміі Дзянісу Дуку.

«Аналізуючы «гісторыю поспеху» таго ці іншага прадпрыемства, мы бачым, што многія іх дасягненні з'яўляюцца вытворнымі ад пісьменных рашэнняў дырэктарскага корпуса. І калі мы хочам маштабаваць падобныя кейсы на ўсю краіну, неабходна арганізаваць масавую падрыхтоўку кіруючых кадраў новай фармацыі. І наяўнасць ступені МВА будзе выступаць адметнай прыкметай для такіх топ-менеджараў», – адзначыла намеснік кіраўніка эканамічнага ведамства.

На думку Марыi Мажынскай, на статус бізнес-школы здольны прэтэндаваць і шэраг іншых арганізацый, якія даўно працуюць на рынку, маюць неабходны вопыт і патэнцыял. Адпаведна, колькасць слухачоў праграм «Майстар бізнес-адміністравання» будзе расці, забяспечваючы стабільны прыток высокакваліфікаваных кіраўнікоў у рэальны сектар эканомікі.