Актуальныя пытанні еўразійскай эканамічнай інтэграцыі разгледзелі на пасяджэнні Міжурадсавета ЕАЭС
14-15 жніўня 2025 года ў г.Чалпон-Аце (Кыргызстан) адбылося пасяджэнне Еўразійскага міжурадавага савета пад старшынствам Рэспублікі Беларусь, якую прадстаўляе Прэм'ер-міністр Аляксандр Турчын. У рабоце савета прыняла ўдзел намеснік міністра эканомікі Алеся Абраменка.
Пасяджэнне ахоплівала шырокі спектр пытанняў – на парадку дня 20 ключавых тэм, якія датычацца развіцця інтэграцыйных працэсаў у рамках ЕАЭС.
У вузкім складзе ўдзельнікі абмеркавалі рэалізацыю стратэгічных напрамкаў развіцця еўразійскай эканамічнай інтэграцыі да 2025 года, а таксама актуальныя пытанні ў сферы мытнага і падатковага рэгулявання.
Сёння, у пашыраным складзе, быў прадметна разгледжаны шэраг дакументаў:
Праграма развіцця біржавых таргоў на агульным арганізаваным рынку тавараў ЕАЭС;
гадавая справаздача ЕЭК аб стане канкурэнцыі на трансгранічных рынках і мерах па спыненні парушэнняў агульных правілаў;
даклады аб ходзе фарміравання ў 2024 годзе агульных рынкаў газу, нафты і нафтапрадуктаў.
Кіраўнікам урадаў таксама прадстаўлены пяцігадовы план рэалізацыі падыходаў па рэгуляванні пытанняў кліматычнага парадку ў рамках ЕАЭС.
Значная ўвага ўдзельнікаў пасяджэння таксама была ўдзелена рэалізацыі скаардынаванай транспартнай палітыкі дзяржаў Саюза на 2024-2026 гады і плана першачарговых мерапрыемстваў па цыфравізацыі грузавых чыгуначных перавозак, пытаннях збліжэння кваліфікацыйных патрабаванняў па найбольш запатрабаваных прафесіях на рынку працы ЕАЭС і парадку пацвярджэння прафесійных кваліфікацый.
Акрамя таго, прадметам дэталёвага абмеркавання сталі праекты канцэпцый развіцця агульнага рынку лекаў і агульнага рынку медыцынскіх вырабаў у ЕАЭС. Дакументы вызначаюць два важных напрамкі работы. Першае –гэта забеспячэнне якасці выпускаемай прадукцыі, другое – пашырэнне ўзаемадзеяння ведамстваў на адпаведных лічбавых платформах. Па завяршэнні абмеркавання канцэпцыі былі ўзгоднены членамі міжурадавага савета.
Па выніках пасяджэння кіраўнікі ўрадаў зацвердзілі праграму развіцця таргоў на агульным біржавым рынку тавараў, паўнавартасны запуск якога запланаваны на 2029 год.
Прынята рашэнне ўключыць кірунак па развіцці кадравага патэнцыялу ў транспартнай сферы ў профільную дарожную карту на 2024-2026 гады. Рэалізацыя дакумента паслужыць фарміраванню Адзінай транспартнай прасторы і агульнага рынку транспартных паслуг.
Таксама ўдзельнікі адобрылі гадавую справаздачу Камісіі аб стане канкурэнцыі на трансгранічных рынках за 2024 год.
Наступнае пасяджэнне ЕМУС адбудзецца 29-30 верасня ў Мінску.