Алеся Абраменка: лічбавая эканоміка і інфармацыйныя тэхналогіі адыгрываюць важную ролю ў паглыбленні еўразійскай эканамічнай інтэграцыі

Аб гэтым заявіла сёння, 28 мая 2026 года, намеснік міністра эканомікі Алеся Абраменка на панэльнай сесіі V Еўразійскага эканамічнага форуму «Новыя тэндэнцыі ў развіцці лічбавай экасістэмы для бясшвоўнага ўнутранага рынку ЕАЭС».

Намеснік міністра расказала аб прапановах Рэспублікі Беларусь па карэкціроўцы метадалогіі кваліфікацыі перашкод на ўнутраным рынку ЕАЭС і прызнання бар'ераў і абмежаванняў ліквідаванымі, а таксама падзялілася меркаваннем аб прынцыпах, на якіх павінна грунтавацца лічбавае ўзаемадзеянне членаў Саюза. Гаворка ішла, у прыватнасці, аб папярэджанні ўзнікнення лічбавых бар'ераў, узаемным прызнанні ЭЛП, стварэнні інтэграваных электронных платформаў у розных галінах. 

«Забеспячэнне паспяховага функцыянавання інтэграванай інфармацыйнай сістэмы ЕАЭС, паскарэнне ўкаранення ўзгодненых падыходаў у мытным рэгуляванні, ветэрынарным наглядзе і іншых сферах, якія наўпрост уплываюць на свабоду перамяшчэння тавараў і паслуг, дазволяць значна скараціць адміністрацыйныя, мытныя і гандлёвыя бар'еры.

Пляцоўка ЕЭК павінна выступаць інтэгравальным элементам для нацыянальных лічбавых сістэм. У той жа час, укараняючы лічбавыя рашэнні і прымаючы нацыянальнае заканадаўства, важна ўлічваць інтарэсы партнёраў, не ўскладняючы лічбавымі рашэннямі іх выхад на рынак», – пазначыла сутнасць прапанаванага падыходу Алеся Абраменка.

Намеснік міністра эканомікі падкрэсліла, што Беларусь гатова і далей актыўна ўдзельнічаць ва ўзгадненні лічбавых палітык дзяржаў пяцёркі, развіцці кібербяспекі і абароны ад лічбавых пагроз, стымуляванні інавацый і падтрымкі стартапаў, накіраваных на спрашчэнне бізнес-працэсаў і павышэнне канкурэнтаздольнасці нашых краін.