Алеся Абраменка: прыярытэты праекта Асноўных напрамкаў на 2027-2029 гады – далейшае паглыбленне саюзнай інтэграцыі плюс устойлівае і збалансаванае развіццё эканомік Беларусі і Расіі
Пра гэта распавяла сёння, 25 чэрвеня 2026 г., намеснік міністра эканомікі Алеся Абраменка, выступаючы на секцыі «Падтрымка эканамічнага ўзаемадзеяння рэгіёнаў – аснова ўстойлівага развіцця Беларусі і Расіі» XIII Форуму рэгіёнаў Беларусі і Расіі.
Намеснік кіраўніка эканамічнага ведамства адзначыла поспехі ў гандлёва-эканамічным супрацоўніцтве нашых краін. У 2025-м аб'ём узаемнага гандлю таварамі і паслугамі дасягнуў гістарычнага максімуму - 62 млрд дол. Па выніках студзеня-красавіка ён вырас амаль на 20% у параўнанні з аналагічным перыядам 2025-га.
Аднак, на думку Алесі Абраменкі, каб захаваць і прымножыць дасягнутыя вынікі, у саюзным парадку неабходна сінхранізаваць дзеянні па ліквідацыі бар'ераў, асабліва ў частцы «лічбавых перашкод», і выпрацоўцы сумесных мер процідзеяння экспансіі тавараў з трэціх краін.
«Ва ўмовах глыбокай эканамічнай інтэграцыі, калі мы гаворым аб неабходнасці абароны айчыннага вытворцы, то маем на ўвазе пад гэтым тэрмінам і беларускія, і расійскія кампаніі.
Адпаведна, варта прымаць сумесныя меры, узаемна прызнаваць значнасць інтарэсаў адзін аднаго, інакш у бягучай няпростай сітуацыі мы рызыкуем хутка страціць кааперацыйныя сувязі і ланцужкі паставак, якія выстройваліся дзесяцігоддзямі», – адзначыла намеснік міністра эканомікі.
Алеся Абраменка таксама распавяла аб ініцыятывах, якія фармалізуюцца ў праекце Асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2027-2029 гады.
«Традыцыйна фокус – на прамкааперацыі і дасягненні тэхналагічнага суверэнітэту. Тут акрамя традыцыйных напрамкаў (станка - і машынабудаванне, вытворчасць электронных кампанентаў і прамысловага абсталявання) прадугледжаны сумесныя праекты ў нафтахіміі, у галіне мікрабіялагічных даследаванняў, накіраваных на павышэнне эфектыўнасці АПК, і іншыя.
Прынцыпова новым крокам стала ўключэнне новага падраздзела па «абароне ўнутранага рынку Саюзнай дзяржавы». Плануем зрабіць больш жорсткімі патрабаванні тэхрэгламентаў у дачыненні да імпарту, распрацаваць новыя стандарты пад прадукцыю нашых вытворцаў. У гэтых пытаннях таксама бачым ролю створанага наднацыянальнага камітэта па якасці і стандартызацыі.
Асаблівая ўвага –мерам падтрымкі прадукцыі, якой прысвоены статус «тавару Саюзнай дзяржавы». У рамках асноўных напрамках мы як раз выпрацоўваем такія інструменты падтрымкі.
У ліку іншых актуальных напрамкаў – сумесныя меры па развіцці гандлю, фарміраванне адзінай аграрнай палітыкі.
У сферы транспарту на новы цыкл планавання ўключылі прадметныя мерапрыемствы, якія спрыяюць стварэнню новых маршрутаў, высакахуткасных чыгуначных магістраляў, павелічэнню пасажырапатоку, лічбаваму развіццю галіны.
У турызме ў бліжэйшых планах – распрацаваць сумесныя трансгранічныя маршруты і туры для замежных турыстаў, рэалізаваць сумесныя інвестыцыйныя праекты, арганізаваць шматдзённыя падзейныя мерапрыемствы.
У праекце Асноўных напрамкаў на 2027-2029 гады таксама ёсць і задачы і па сумесных фінансавых і разліковых інструментах. Плануем стварыць умовы для выкарыстання лічбавых правоў пры ажыццяўленні разлікаў у рамках ЗЭД, забяспечыць магчымасць трансгранічных плацяжоў па QR-коду, трансгранічных разлікаў у лічбавых валютах.
Асаблівая ўвага – фарміраванню Адзінай прававой прасторы. Цэнтральная частка ў гэтым блоку – прадоўжыць маніторынг таго, як на практыцы выконваюцца роўныя правы грамадзян у рамках Саюзнай дзяржавы.
Усе плануемыя сумесныя меры ў канчатковым выніку накіраваны забеспячэнне ўстойлівага і збалансаванага развіцця Беларусі і Расіі», – рэзюмавала намеснік кіраўніка Міністэрства.