Алеся Абраменка: рашэнні Міжурадсавета закліканы маштабаваць станоўчы вопыт прамкааперацыі ў ЕАЭС

Пра гэта заявіла сёння, 30 верасня 2025г., намеснік міністра эканомікі Алеся Абраменка ў інтэрв'ю выязной студыі «Першага інфармацыйнага» тэлеканала на палях пасяджэння Еўразійскага міжурадавага савета.

Па словах Алесі Абраменкі, асноўны парадак дня мерапрыемства прысвечаны пытанням прамысловай палітыкі, і вельмі важна, што гэты кірунак у Саюзе актыўна развіваецца. У 2024-м аб'ём прамысловай вытворчасці ЕАЭС склаў 104,5% да ўзроўню 2023-га. У бягучым годзе станоўчая дынаміка захоўваецца: па выніках 7 месяцаў тэмп – 101,2% да студзеня-ліпеня 2024 года. 

«Летась запрацаваў механізм фінансавай падтрымкі інтэграцыйных праектаў у прамысловасці. Сфера ахопу – у агульнай складанасці каля 30 галін: ад мэблі да космасу. У пачатку года адобраны і атрымаюць субсідыі 2 такія ініцыятывы, у абедзвюх удзельнічаюць беларускія кампаніі.  Зараз на разглядзе яшчэ 10 праектаў. Гэта значыць, інструменты створаны і, карыстаючыся выпадкам, запрашаем бізнес больш актыўна іх выкарыстоўваць.

Сёння рыхтуецца неабходная нарматыўная база, каб гэтыя інструменты падтрымкі маглі былі даступныя і для праектаў у сферы АПК», – адзначыла намеснік міністра эканомікі.

 Алеся Абраменка таксама адказала на пытанні аб рэалізацыі стратэгічных напрамкаў супрацоўніцтва ЕАЭС да 2025 года, падрыхтоўцы праекта плана мерапрыемстваў па рэалізацыі Дэкларацыі-2030 і да 2025 года.