Алеся Абраменка: ствараем роўныя і прадказальныя ўмовы для працы беларускіх вытворцаў на рынках Саюзнай дзяржавы і ЕАЭС
Пра гэта заявіла сёння, 8 красавіка 2026 года, намеснік міністра эканомікі Алеся Абраменка, выступаючы на пасяджэнні прэзідыума Рэспубліканскай асацыяцыі прадпрыемстваў прамысловасці «БелАПП».
Намеснік кіраўніка эканамічнага ведамства расказала аб існуючых мерах абароны рынкаў Еўразійскага эканамічнага саюза і Саюзнай дзяржавы, а таксама дзеючых і распрацоўваемых інструментах падтрымкі кааперацыйных праектаў.
«У ЕАЭС актыўна развіваецца механізм аказання фінансавай падтрымкі сумесных праектаў у прамысловасці за кошт сродкаў бюджэту Саюза. Калі ў 2024-м было ўсяго толькі 2 такія праекты, то ў 2025-м разглядаліся ўжо 14, з якіх 5 адобрана.
Цяпер ствараецца прававая база (уносіцца змяненне ў Дагавор аб саюзе, прымаецца парадак) для пашырэння фінансавання сумесных праектаў у ЕАЭС на сферу аграпрамысловага комплексу. Ёсць верагоднасць, што з гэтага года гэты механізм запрацуе і ў сферы АПК.
Разлічваем, што беларускія кампаніі будуць больш актыўна выкарыстоўваць новыя стымулы для супрацоўніцтва ў рамках гэтага механізму», – акцэнтавала Алеся Абраменка.
«Ступень кааперацыі пры вытворчасці прамысловай прадукцыі такая, што, абараняючы беларускія тавары, Расія адначасова абараняе і свае прадпрыемствы, якія пастаўляюць камплектуючыя, сыравіну і матэрыялы да нас на перапрацоўку. Таму неабходная выпрацоўка сумесных мер рэагавання на рост імпарту з трэціх краін – падыход, які адказвае інтарэсам абедзвюх краін», – падкрэсліла Алеся Абраменка.
У завяршэнне свайго выступлення намеснік міністра эканомікі пазначыла шэраг ініцыятыў па абароне ўнутранага рынку Саюзнай дзяржавы, вылучаных нашай краінай падчас фарміравання падрыхтоўкі асноўных напрамкаў на 2027-2029 гады.
Сярод іх:
узмацненне жорсткасці патрабаванняў тэхнічнага рэгулявання на прадукцыю, аналагічную вырабленай унутры Саюзнай дзяржавы;
папярэдняя натыфікацыя працэдур ацэнкі адпаведнасці, каб бізнес загадзя быў апавешчаны аб планаваных новаўвядзеннях;
лічбавізацыя ўзаемадзеяння беларускіх і расійскіх ведамстваў у галіне тэхнічнага рэгулявання з мэтай аператыўнай верыфікацыі суправаджальных дакументаў на грузы без дадатковых запытаў.
Разлічваем, што прапановы будуць падтрыманыя расейскім бокам.