Юрый Чабатар: асноўныя напрамкі стратэгічнага плана развіцця БФФПП ўвязаны з задачамі дзяржпраграмы «Устойлівае прадпрымальніцтва»

Сёння, 23 снежня 2025г., міністр эканомікі Юрый Чабатар прыняў удзел у пасяджэнні праўлення Беларускага фонду фінансавай падтрымкі прадпрымальнікаў.

Цэнтральным пунктам парадку дня стала зацвярджэнне стратэгічнага плана развіцця Фонду на 2026-2030 гады. 

Традыцыйны KPI БФФПП – выніковасць аказання фінансавай падтрымкі малому і сярэдняму бізнесу.  Па выніках 2025-га адзначаецца ўстойлівая станоўчая дынаміка: аб'ём падтрымкі па пазыках і лізінгу ў 2,3 разы перавысіў планавыя паказчыкі, у 2,7 разы вырасла сума выдадзеных паручыцельстваў. За фінансаваннем сталі часцей звяртацца суб'екты МСП з рэгіёнаў: па выніках 9 месяцаў іх доля перавысіла 75%.

«Мы рэагуем на ўзрослую цікавасць бізнесу да даступнага капіталу для рэалізацыі сваіх праектаў: на 2026-ы запланавана павелічэнне аб'ёмаў фінансавай падтрымкі ў 1,5 раз з наступным ростам у 2027-2030 гадах», – адзначыў Юрый Чабатар.

У новай пяцігодцы трэба будзе вывесці на новы ўзровень дзейнасць фонду за кошт стварэння на яго базе Цэнтра развіцця прадпрымальніцтва ў якасці ключавога звяна сеткі падтрымкі МСП. 

«Задача – у цеснай каардынацыі з суб'ектамі інфраструктуры ў рэгіёнах больш актыўна праводзіць тэматычныя мерапрыемствы, уключаць ініцыятыўных грамадзян у бізнес, дапамагаць пачаткоўцам прадпрымальнікам на старце і прасоўваць магчымасці росту для дзеючых кампаній», – падкрэсліў Міністр эканомікі.