Юрый Чабатар: дзяржава стымулюе малы вытворчы бізнес развіваць кааперацыйныя сувязі з буйнымі прадпрыемствамі
Пра гэта распавёў cёння, 16 красавіка 2026 года, міністр эканомікі Юрый Чабатар падчас рабочай паездкі ў Горацкі раён Магілёўскай вобласці.
Кіраўнік Міністэрства сустрэўся з працоўным калектывам ААТ «Прэма». Прадпрыемства працуе з прыбыткам і нарошчвае аб'ёмы вытворчасці дзякуючы прамкааперацыі з ААТ «МАЗ», ААТ «БАТЭ», ААТ «БелАЗ», ААТ «Амкадор» і іншымі флагманамі. Кампанія пашырае лінейку выпускаемай прадукцыі і умацоўвае экспартны патэнцыял.
Міністр адзначыў, што дзяржава стымулюе малы вытворчы бізнес развіваць кааперацыйныя сувязі з буйнымі прадпрыемствамі і гатова падтрымліваць такія праекты.
«Сістэмная праца вядзецца па трох напрамках:
Першае – усталяванне прамых кантактаў паміж буйнымі і малымі кампаніямі. За 2021-2025 гады арганізавана звыш 100 кантактна-кааперацыйных біржаў, у якіх прыняло ўдзел каля 1 900 суб'ектаў МСП.
Другое – лічбавыя гандлёвыя пляцоўкі. З 2022-га знаходзіць дзелавых партнёраў дапамагаюць платформы Беларускай універсальнай таварнай біржы «Iмпартазамяшчэнне» і агульнарэспубліканскага інфармацыйнага рэсурсу субкантрактацыі Беларускага фонду фінансавай падтрымкі прадпрымальнікаў.
Трэцяе – фінансавая падтрымка. Спецыяльны крэдытны прадукт «Прамкааперацыя» накіраваны на развіццё кааперацыйнага супрацоўніцтва малога бізнесу з буйнымі арганізацыямі ў прамысловай сферы. На пачатак года прафінансавана 20 праектаў», – адзначыў Юрый Чабатар.
У працяг рабочага візіту Міністр наведаў Горацкі харчовы камбінат і ААТ «Малочныя горкі» – тут рэалізаваны інвестпраекты па мадэрнізацыі магутнасцяў і будаўніцтве сыраробнага цэха, а цяпер у рамках «Рэгіянальнай ініцыятывы» ўвасабляецца ў жыццё бізнес-ідэя па пашырэнні асартыменту вытворчасці сыроў.
Паездка завяршылася сустрэчай у тэхнапарку «Горкі» з рэзідэнтамі і прадстаўнікамі дзелавой супольнасці рэгіёна. Прадпрымальнікі змаглі наўпрост агучыць праблемныя пытанні, з якімі яны сутыкаюцца ў працы.
«Наша асноўная задача – узаемадзейнічаючы з прадпрымальнікамі ў рэгіёнах, выявіць сістэмныя пытанні, якія замінаюць бізнесу расці. Па выніках такіх сустрэч мы выпрацоўваем практычныя рашэнні па паляпшэнні ўмоў вядзення бізнесу», – рэзюмаваў Юрый Чабатар.