Юрый Чабатар: па кожным з прыярытэтаў Праграмы-2030 ужо дасягнуты першыя важкія вынікі
Пра гэта заявіў сёння, 29 кастрычніка 2026 года, Міністр эканомікі Юрый Чабатар на пасяджэнні Мінгарвыканкама з удзелам дэлегатаў Усебеларускага народнага сходу ад сталічнага рэгіёна, дзе разглядаліся прамежкавыя вынікі рэалізацыі праграмы пяцігодкі ў бягучым годзе.
Кіраўнік эканамічнага ведамства нагадаў, што Праграма-2030 уяўляе сабой комплексную сістэму дакументаў (20 дзяржаўных, 17 галіновых і 7 рэгіянальных, 38 навуковых праграм), выбудаваных вакол сямі прыярытэтаў, чыя рэалізацыя заклікана забяспечыць новую якасць жыцця людзей, функцыянавання эканомікі і прадпрыемстваў.
Для дасягнення дадзенай мэты Ўрад асаблівы акцэнт зрабіў на павышэнні ўнутранай устойлівасці эканомікі за кошт мабілізацыі наяўных рэсурсаў. Пад прыярытэты пяцігодкі пад парасонавым брэндам «Рэгіянальная ініцыятыва» ўкаранёны спецыяльныя крэдытныя прадукты з ільготнай стаўкай: «Моцныя рэгіёны», «Тэхналагічная самадастатковасць», «Турыстычны патэнцыял», «Новыя прадукты». За 9 месяцаў пачата фінансаванне амаль 200 інвестпраектаў на 1,7 млрд.рублёў. Створаны ўмовы для падтрымкі вытворцаў, а ў частцы экспарцёраў распрацаваны механізм кампенсацыі транспартна-лагістычных выдаткаў.
Юрый Чабатар падрабязна расказаў удзельнікам пасяджэння аб выкананні мерапрыемстваў ключавых прыярытэтаў праграмнага дакумента, якія забяспечылі ўстойлівасць эканомікі, стварэнне новых аб'ектаў сацыяльнай і транспартнай інфраструктуры, рост дабрабыту насельніцтва.
На думку Міністра, не менш важны вынік – людзі адчуваюць пазітыўныя змены. Як вынікае з сацыялагічных апытанняў Акадэміі навук, у параўнанні з 2025-м істотна вырасла ступень задаволенасці сацыяльна-эканамічным становішчам краіны, усё большая колькасць грамадзян з упэўненасцю глядзяць у будучыню. Беларусы заўважаюць і канкрэтныя паўсядзённыя паляпшэнні па прыярытэтах пяцігодкі: якасць дарог, добраўпарадкаванне населеных пунктаў і многае іншае.
«Такім чынам, рэалізацыя прыярытэтаў Праграмы-2030 ужо прынесла першыя адчувальныя вынікі.
Першачарговая арыентацыя працы эканомікі на выкананне задач пяцігодкі ў 27–м годзе забяспечыць далейшы рост яе якасці, у тым ліку, павышэнне ВУП, падтрыманне высокай дынамікі інвестыцыйнай актыўнасці і ўзроўню даходаў насельніцтва», - рэзюмаваў кіраўнік Міністэрства.