Юрый Чабатар: па выніках 2025-га БФФПП істотна нарасціў аб'ёмы падтрымкі інвестпраектаў МСП

Сёння, 16 сакавіка 2025г., міністр эканомікі Юрый Чабатар прыняў удзел у пасяджэнні праўлення Беларускага фонду фінансавай падтрымкі прадпрымальнікаў.

Цэнтральнае пытанне парадку дня – эфектыўнасць аказання Фондам дзяржаўнай фінансавай падтрымкі.

Па выніках 2025-га адзначаецца ўстойлівая станоўчая дынаміка: аб'ём прадстаўленай малому і сярэдняму бізнесу падтрымкі вырас больш чым 2 разы. Павялічваецца сярэдняя сума дагавораў пазыкі і лізінгу: калі ў 2024-м яна складала каля 300 тыс.рублёў, то ў мінулым годзе перавысіла 340 тыс. рублёў. Найбольш капіталаёмістыя праекты прыпадаюць на прамысловасць, транспарт і сельскую гаспадарку – каля 80% аб'ёмаў усёй падтрымкі. 

У планах БФФПП на бягучы год – далейшае павелічэнне аб'ёмаў даступнага капіталу для перспектыўных інвестпраектаў.

Важным напрамкам і рэзервам таксама застаецца ўцягванне МСП у кааперацыйныя ланцужкі буйных прамысловых прадпрыемстваў.

«Фонду неабходна больш актыўна праводзіць кантактна-кааперацыйныя біржы для малога вытворчага бізнесу і арганізацый канцэрнаў і галіновых міністэрстваў, каб у далейшым яны выходзілі на канкрэтныя праекты.

У гэтым крыюцца вялікія магчымасці як для развіцця малога бізнеса, так і для валаўтваральных прадпрыемстваў – у плане забеспячэння надзейнасці паставак і далейшай лакалізацыі вытворчасці», – падкрэсліў Юрый Чабатар.