Юрый Чабатар: працягнем удасканальваць механізмы падтрымкі арганізацый, якія ўкараняюць у сваёй дзейнасці вынікі навуковых даследаванняў

Сёння, 30 верасня 2026 года, пад кіраўніцтвам Міністра эканомікі Юрыя Чабатара і старшыні ДКНТ Дзяніса Каржыцкага адбылося сумеснае пасяджэнне калегій двух ведамстваў.

На парадку дня – пытанні павышэння навукаёмістасці ВУП. У Праграме сацыяльна-эканамічнага развіцця краіны на бягучую пяцігодку прадугледжана дасягненне да 2030 года ўзроўню не менш за 1 %.

Адкрываючы пасяджэнне, Міністр эканомікі падкрэсліў неабходнасць больш актыўнай інтэграцыі навукі і рэальнага сектара. Паводле яго слоў, у бягучых умовах захаванне канкурэнтаздольнасці прадпрыемстваў напрамую залежыць ад павелічэння долі выдаткаў на распрацоўку і ўкараненне прыкладных рашэнняў у інвестыцыйным партфелі кампаній.

«У Беларусі ўжо створаны інстытуцыйныя ўмовы і фінансавыя механізмы падтрымкі перспектыўных даследаванняў. Аднак, каб навуковыя ідэі хутчэй трансфармаваліся ў новыя вытворчасці, патрабуецца крытычна ацаніць дзеючыя інструменты падтрымкі НВК(Т)Р і, пры неабходнасці, распрацаваць дадатковыя меры», – адзначыў Юрый Чабатар.

У рамках пасяджэння таксама разгледжана пытанне ўніфікацыі справаздачнасці суб'ектаў гаспадарання, якія атрымліваюць дзяржпадтрымку на навуковую дзейнасць. Удзельнікі сышліся ў меркаванні, што стандартызацыя формаў справаздачнасці дасць магчымасць павысіць празрыстасць выкарыстання бюджэтных сродкаў і спрасціць адміністраванне праграм падтрымкі.