Юрый Чабатар: Рэспубліка Беларусь зацікаўлена ў пашырэнні супрацоўніцтва з ЮНІДА ў галіне рэгіянальнага прамысловага развіцця

Пра гэта заявіў сёння, 28 мая 2026 года, Міністр эканомікі Юрый Чабатар на сустрэчы з намеснікам генеральнага дырэктара арганізацыі Аб'яднаных Нацый па прамысловым развіцці (ЮНІДА), выканаўчым дырэктарам Дэпартамента глабальнага партнёрства і знешніх сувязяў Фату Хайдара, якая адбылася ў рамках V Еўразійскага эканамічнага форуму.

Бакі абмеркавалі бягучы стан і перспектывы пашырэння ўзаемадзеяння Міністэрства эканомікі і ЮНІДА.

Міністр адзначыў важную ролю арганізацыі як канструктыўнай пляцоўкі ў прасоўванні ўстойлівага эканамічнага развіцця краін удзельніц, а таксама паспяховую сумесную працу па рэалізацыі праектаў па ўкараненні тэхналогій чацвёртай прамысловай рэвалюцыі ў Брэсцкай і Магілёўскай абласцях Беларусі.

«Беларусь разглядае ЮНІДА ў якасці аднаго з ключавых міжнародных партнёраў па ўкараненні сучасных тэхналогій і стандартаў. Міністэрства эканомікі высока цэніць экспертную падтрымку арганізацыі і нацэлена на паглыбленне супрацоўніцтва ў такіх сферах, як лічбавая трансфармацыя, укараненне беражлівай вытворчасці і тэхналогій чацвёртай прамысловай рэвалюцыі.

Эфектыўная сумесная праца дазваляе разлічваць на доўгатэрміновую перспектыву супрацоўніцтва па падтрымцы сацыяльна-эканамічнага развіцця нашай краіны», – падкрэсліў Юрый Чабатар.

Па выніках сустрэчы бакамі вызначаны далейшыя крокі па актывізацыі ўзаемадзеяння ў рамках запуску новых праектаў, а таксама падыходы па далейшай падтрымцы з боку ЮНІДА рэгіянальнага прамысловага развіцця.