Юрый Чабатар: супрацоўніцтва Беларусі і Кітая па ўсіх напрамках дэманструе ўстойлівую станоўчую дынаміку

Аб гэтым заявіў сёння, 13 чэрвеня 2025г., міністр эканомікі Юрый Чабатар, выступаючы з дакладам на пасяджэнні Камітэта высокага ўзроўню па супрацоўніцтве заканадаўчых органаў Рэспублікі Беларусь і Кітайскай Народнай Рэспублікі.

Падчас мерапрыемства, якое праходзіла на пляцоўцы Савета Рэспублікі пад кіраўніцтвам Старшыні Савета Рэспублікі Наталлі Качанавай і намесніка старшыні Пастаяннага камітэта Усекітайскага сходу народных прадстаўнікоў Чжан Цынвея, кіраўнік эканамічнага ведамства расказаў аб умацаванні двухбаковага ўзаемадзеяння, рэалізацыі раней дасягнутых дамоўленасцей, а таксама акрэсліў перспектыўныя напрамкі далейшых сумесных дзеянняў.

«Ва ўзаемным гандлі маем намер нарасціць экспарт беларускага харчавання і сельскагаспадарчай прадукцыі на рынак Кітая. З улікам гэтых планаў вядзецца інтэнсіўная праца па ўмацаванні супрацоўніцтва ў галіне перавозак па чыгунцы і актывізацыі прамых авіязносін.

У частцы інвестыцый безумоўныя прыярытэты – тэхналагічнае супрацоўніцтва і прамкааперацыя. На бягучую пяцігодку Ўрадам Беларусі намечана каля 70 патэнцыяльных сумесных праектаў, якія дапоўняць ужо дзеючы пул бізнес-ідэй. Акрамя таго, чакаем значных эканамічных эфектаў ад уступлення ў сілу нашага паслужна-інвестыцыйнага пагаднення і рэалізацыі Стратэгіі развіцця кітайска-беларускага індустрыяльнага парку «Вялікі камень» да 2030 года.

 Яшчэ адзін стратэгічны напрамак – узмацненне міжрэгіянальнага ўзаемадзеяння.

Сёння кожная вобласць і сталіца краіны мае каля 3 рэгіёнаў-пабрацімаў у КНР, сфарміравана шырокая дагаворна-прававая база, падпісана 11 дэталізаваных планаў гандлёва-эканамічнага супрацоўніцтва, яшчэ 3 – у працэсе ўзгаднення.

У планах на бягучы і будучы год – правесці серыю выстаў рэгіёнаў-пабрацімаў у Беларусі на пляцоўцы «Вялікага каменя». Гэтыя мерапрыемствы, на нашу думку, дазволяць умацаваць дзеючыя камерцыйныя сувязі і наладзіць новыя дзелавыя кантакты», – адзначыў Юрый Чабатар.