Юрый Чабатар: у новай рэгіянальнай праграме Берасцейшчыны робім стаўку на ўзмацненне прамысловага вектара
Пра гэта заявіў сёння, 5 верасня 2025г., міністр эканомікі Юрый Чабатар падчас рабочай паездкі ў Брэсцкую вобласць.
Кіраўнік Міністэрства прыняў удзел у абмеркаванні праекта Праграмы сацыяльна-эканамічнага развіцця вобласці на 2026-2030 гады, які праходзіў на пляцоўцы аблвыканкама.
Як адзначыў Юрый Чабатар, Брэсцкая вобласць – рэгіён, які дынамічна развіваецца. На яе долю прыпадае 11,2% ВУП, амаль 12,5 % прамысловай вытворчасці і 23% валавой прадукцыі сельскай гаспадаркі.
«Зладжаная праца працоўных калектываў і паслядоўныя крокі па развіцці рэальнага сектара эканомікі і сацыяльнай сферы дазваляюць вобласці дэманстраваць устойлівы рост. Важна, што кіраўніцтва рэгіёна бачыць перспектыву і актыўна выкарыстоўвае механізмы абноўленага заканадаўства, у тым ліку і інвестыцыйнага: на сёння больш за трэць прынятых рашэнняў аб уключэнні інвестпраектаў у пералік прэферэнцыйных, прыпадае на Брэсцкую вобласць», – адзначыў Юрый Чабатар.
Міністр акцэнтаваў увагу на неабходнасці ўзмацнення прамысловага вектара ў новай пяцігадовай праграме.
«Брэстчына традыцыйна моцная ў харчовай, перапрацоўчай, лёгкай прамысловасці, дрэваапрацоўцы і вытворчасці будматэрыялаў. У наступнай пяцігодцы рэгіёнам будзе прадоўжана праца па нарошчванні патэнцыялу вытворчасцяў на новай тэхналагічнай базе: плануецца рэалізацыя больш як 70 праектаў.
У Пінску і Баранавічах з'явяцца прамысловыя паркі з гатовай інфраструктурай, што дазволіць аператыўна запускаць новыя вытворчыя праекты і павялічыць уклад гэтых тэрыторый у эканоміку рэгіёна.
Працягнецца праца па далейшым развіцці горада-спадарожніка Жабінкі.
Асаблівая ўвага – Прыпяцкаму Палессю. Ужо сфармаваны асобны партфель ініцыятыў, які ператворыць гэтыя раёны ў «тэрыторыі асаблівых магчымасцяў».
І, зразумела, памятаем пра малыя раёны – невялікія вытворчасці, заснаваныя на мясцовых кампетэнцыях і сыравіннай базе, павінны з'явіцца і там», – падкрэсліў Юрый Чабатар.
Міністр таксама пабываў у Брэсцкім навукова-тэхналагічным парку.
Рабочая паездка кіраўніка эканамічнага ведамства працягнулася ў Жабінкаўскім раёне наведваннем шэрагу прадпрыемстваў.
На ТАА «РПКЗ «БелКон» Юрый Чабатар правёў сустрэчу з працоўным калектывам прадпрыемства і азнаёміўся з ходам рэалізацыі праекта па перапрацоўцы і шокавай замарозцы лука, ягад і гародніны.
У кампаніі «КонсулИнвест» кіраўніку Міністэрства распавялі, як будзе ўвасабляцца ў жыццё перспектыўны праект з пула «рэгіянальнай ініцыятывы» па стварэнні вытворчасці ветэрынарных прэпаратаў.