Юрый Чабатар: у рамках саюзных праграм рэалізаваны шэраг рашэнняў у інтарэсах грамадзян Беларусі і Расіі

Пра гэта заявіў сёння, 1 кастрычніка 2026 года, міністр эканомікі Юрый Чабатар «на палях» пасяджэння Савета Міністраў Саюзнай дзяржавы.

Паводле слоў кіраўніка Міністэрства, у рамках мерапрыемстваў асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2024-2026 гады рэалізаваны шэраг стратэгічных задач інтэграцыйнага парадку дня.

У прамысловасці прыняты Дэкрэт аб адзінай прамысловай палітыцы, які забяспечыў узаемнае прызнанне тэхналагічных аперацый, гэта значыць, доступ да закупак і дзяржпадтрымкі. Прыняты дарожныя карты па кааперацыйных праектах у мікраэлектроніцы, станкабудаванні і іншых галінах. Заснаваны таварны знак Саюзнай дзяржавы – на сённяшні дзень гэта 15 таварных пазіцый.

У АПК забяспечана харчовая бяспека, завяршаецца інтэграцыя інфармацыйных сістэм у ветэрынарыі і фітасанітарыі.

У транспарце дзейнічаюць дамоўленасці аб паэтапнай адмене дазвольнай сістэмы ў частцы перавозак да 2030 года.

Істотна прасунуліся і па ўсіх іншых сферах: з 120 задач выканана больш за 80 %. Да канца года плануецца завяршыць астатнія.

Як асабліва адзначыў Юрый Чабатар, саюзныя праграмы дазволілі рэалізаваць шэраг рашэнняў, якія змог на сабе адчуць кожны грамадзянін Беларусі і Расіі.

З сакавіка 2025 года адменены роўмінг: грамадзяне атрымалі даступную сувязь па камфортных тарыфах, а аператары – рост абмену трафікаў амаль у пяць разоў і аб'ёмаў спажывання паслуг. 

У красавіку 2026 г.уступіла ў сілу Пагадненне аб парадку ўзаемнага выканання судовых пастаноў.  У выніку рэалізавана магчымасць выплаты аліментаў, кампенсацыі шкоды жыццю і здароўю і гэтак далей.

«Гэтыя і іншыя прыклады, у цэнтры якіх чалавек, пацвярджаюць практычную аддачу ад мер, якія мы прымаем па паглыбленні нашай эканамічнай інтэграцыі», – падкрэсліў Міністр.

 Таксама кіраўнік эканамічнага ведамства пазначыў падыходы да распрацоўкі праекта Асноўных напрамкаў 2027-2030: рост эканомікі і даходаў насельніцтва.

«Ключавое – гэта, вядома ж, рэальны сектар, гуманітарная сфера плюс новыя напрамкі. Гэта, перш за ўсё, абарона ўнутранага рынку– з гэтай мэтай створаны адзіны Камітэт па стандартызацыі, чыя задача ўносіць адпаведныя прапановы. Таксама пытанні новых галін: платформавая эканомікі, развіццё служных сектараў – усё гэта пагружана ў будучую трохгодку», – рэзюмаваў Юрый Чабатар.