Юрый Чабатар: задачы Прагнозу-2026 будуць дасягацца за кошт выканання вытворчай, інвестыцыйнай і экспартнай праграм

Пра гэта паведаміў сёння, 20 жніўня 2025г., міністр эканомікі Юрый Чабатар, выступаючы з дакладам на пасяджэнні Савета Міністраў па разглядзе прагнозу сацыяльна-эканамічнага развіцця краіны на будучы год.

Як адзначыў кіраўнік эканамічнага ведамства, асноўныя параметры развіцця сфарміраваны з улікам знешніх і ўнутраных фактараў і сінхранізаваны з Праграмай сацыяльна-эканамічнага развіцця да 2030 года.

Рост ВУП запланаваны на ўзроўні 2,8%, інвестыцый – на 3,1 %, экспарту – на 3,7%, інфляцыя не перавысіць 7%.

"Такая дынаміка будзе забяспечана як за кошт рэальнага сектара, так і рэалізацыі патэнцыялу сферы паслуг, у першую чаргу, турызму і IT.  Для гэтага прадугледжаны шэраг стымулюючых мер па развіцці неабходнай інфраструктуры. 

Экспартная стратэгія нацэлена на павелічэнне паставак тавараў і паслуг на 3,7 %. Акцэнт-на апераджальны рост паслуг. Безумоўным прыярытэтам застаецца зніжэнне залежнасці ад аднаго рынку. Для гэтага працягнем працу па нарошчванні продажаў у краіны СНД і»далёкай дугі". Пры гэтым мы нацэлены захаваць сваю прысутнасць для ключавым для нас расійскім рынку», – падкрэсліў Юрый Чабатар.

Кіраўнік эканамічнага ведамства таксама распавёў аб інвестыцыйных планах.

"Прыярытэтнымі напрамкамі інвестыцый застаюцца будаўніцтва жылля, у тым ліку арэнднага, развіццё сацыяльнай і транспартнай інфраструктуры.

Дзве траціны ад агульнага планаванага аб'ёму інвестыцый пойдзе на рэалізацыю камерцыйных праектаў і тэхпераўзбраенне прадпрыемстваў.

Сфарміраваны пул з больш як 600 інвестыцыйных праектаў. Прадугледжана рэалізацыя больш як 10 буйных інвестпраектаў, каля 100 праектаў «рэгіянальнай ініцыятывы», завяршэнне пачатых у папярэднія гады праектаў канцэпцыі «Адзін раён – адзін праект», а таксама інтэграцыйных і імпартазамяшчальных: гэта яшчэ каля 120 праектаў», – адзначыў Юрый Чабатар.

Выкананне вытворчай, інвестыцыйнай і экспартнай праграм дасць магчымасць забяспечыць у 2026-м годзе рост рэальных даходаў насельніцтва на 4,8%.