Лічбы і факты: кіраўнікі прампрадпрыемстваў плануюць рост аб'ёмаў вытворчасці, павелічэнне попыту і занятасці

Пра гэта сведчаць вынікі кан'юнктурнага апытання, праведзенага ў студзені НДЭІ Мінэканомікі.

Паводле даследавання, 64% дырэктараў паведаміла аб павышэнні альбо захаванні аб'ёмаў выпуску, 65% рэспандэнтаў адзначыла пазітыўную альбо стабільную дынаміку попыту.

 Павялічыўся ў параўнанні са снежнем і сярэдні перыяд забяспечанасці прадпрыемстваў замовамі - да 3,1 месяца працы.

Каэфіцыент загрузкі вытворчых магутнасцяў не змяніўся і складае 67%.

Захаванне альбо рост колькасці занятых на прадпрыемствах адзначылі 83% апытаных.

У студзені 2026 года, як і раней, сярод напрамкаў выкарыстання інвестыцый лідзіруюць абнаўленне (80%) і пашырэнне (35%) вытворчых магутнасцяў. У рэсурсазберажэнне і зніжэнне працоўных выдаткаў інвеставалі 19% і 17% кампаній адпаведна.

У кароткатэрміновай перспектыве большасць кіраўнікоў чакаюць павелічэння попыту на сваю прадукцыю і аб'ёмаў выпуску, расце доля топ-мэнэджараў, якія плануюць наём новых работнікаў.