Марыя Мажынская: галоўная задача пяцігодкі-стварыць роўныя магчымасці для жыцця і працы ў кожным рэгіёне
Аб гэтым заявіла сёння, 27 лістапада 2025г., намеснік міністра эканомікі Марыя Мажынская прэзентуючы дэлегатам Усебеларускага народнага сходу Гродзенскай вобласці праект Праграмы сацыяльна-эканамічнага развіцця Рэспублікі Беларусь на 2026-2030 гады.
Цэнтральным фрагментам выступлення намеснік кіраўніка эканамічнага ведамства сталі планы дасягнення прыярытэту «Моцныя рэгіёны». У гэтай сувязі Марыя Мажынская пазначыла 2 ключавыя складнікі, закладзеныя ў праект праграмы-2030.
Першы – тэрыторыя развіваецца як гаспадарчы комплекс ўнутры канкрэтнай вобласці, залучаючы ў сацыяльна-эканамічныя працэсы ўсе населеныя пункты і рэсурсы. Тут некалькі задач.
«1. Павышэнне канкурэнтаздольнасці прамысловых комплексаў, галоўным чынам, за кошт інавацый.
2. Развіццё гарадоў-спадарожнікаў: яны павінны стаць падтрымкай горада-цэнтра ў выглядзе працоўнай сілы.
3. Ўдасканаленне размяшчэння прадукцыйных сіл у рамках перспектыўных гаспадарчых комплексаў.
4. Стварэнне ў малых населеных пунктах камфортнага асяроддзя пражывання і працоўных месцаў.
5. Інтэграцыя сельскіх населеных пунктаў у агульную эканамічную сістэму бліжэйшых гарадоў.
Тры апошнія ўзаемазвязаныя адной мэтай-запаволіць міграцыю паміж рэгіёнамі, а таксама з вёскі ў горад», – патлумачыла намесніца міністра эканомікі.
Другi – асобныя кропкі росту ў кожнай вобласці.
Для Гродзеншчыны акцэнт – на развіцці 7 раёнаў Прынёманскага краю. Палова з іх мае прамысловую спецыялізацыю, яшчэ палова – развіваецца ў аграрным напрамку, а Лідскі раён – рэгіён 80+, для якога пастаўлена задача паскоранага развіцця.
«Іх аб'ядноўвае наяўнасць магутнага турыстычнага патэнцыялу. Маляўнічыя пейзажы беларускіх Мальдываў (крэйдавыя кар'еры), крамянёвыя шахты, унікальныя рэлігійныя і гістарычныя аб'екты, гастратуры і падзейныя мерапрыемствы – усё гэта Прынёманскі край.
Таму ў прыярытэце-інвестпраекты па развіцці інфраструктуры адпачынку, аб'ектаў грамадскага харчавання, спадарожных паслуг.
Не менш важна задзейнічаць індустрыяльны патэнцыял раёнаў для развіцця прамысловага турызму», – адзначыла Марыя Мажынская.
Для іншых тэрыторый – свае прыярытэты. Для Брэсцкай і Гомельскай абласцей – Прыпяцкае Палессе, для Віцебскай вобласці – Віцебскае паазер'е, у Магілёўскай – паўднёва-ўсходні рэгіён. У Мінскай вобласці такім пунктам росту стане Мінскі прамысловы пояс.
«Для кожнага рэгіёна задачы сфармуляваны індывідуальна. Але пры гэтым ацэнка іх развіцця стане комплекснай, і ў сукупнасці будзе адлюстроўвае ступень рэалізацыі мэты прыярытэту «моцныя рэгіёны» – стварыць роўныя магчымасці занятасці і якасці жыцця насельніцтва ў кожным рэгіёне», – падсумавала намеснік кіраўніка Міністэрства.