Па выніках пяці месяцаў эканоміка паскорыла рост

Як раней паведаміў Нацыянальны статыстычны камітэт, у студзені-маі бягучага года тэмп росту ВУП склаў 100,9% - гэта на 0,7 п.п. больш, чым месяцам раней. У "чыстых" месяцах (месяц да аналагічнага месяцу мінулага года) рост ВУП паскараецца трэці месяц запар і ў маі ўжо перавысіў 103%.

Асноўнымі драйверамі эканомікі ў студзені-маі застаюцца інфармацыя і сувязь (105,5 працэнта), транспарт (104,3 працэнта), сельская гаспадарка (103,9 працэнта) і гандаль (102,2 працэнта).

Дынаміка ў IT-сферы звязана з ростам колькасці работнікаў.

У транспартнай сферы ўстойлівы рост дэманструе пасажыраабарот - плюс 7,8 працэнта, грузаабарот таксама павялічыўся (на 1,1 працэнта).

Пазіцыі ў сельскай гаспадарцы забяспечаны прыбаўкай у вытворчасці малака, мяса птушкі, свіней і буйной рагатай жывёлы. Расце і прадуктыўнасць жывёл.

Тэмп прамвытворчасці склаў 98,6 працэнта, дадаўшы ў адносінах да студзеня-красавіка на 1,1 п.п. У чыстых месяцах дынаміка паляпшаецца, прамвытворчасць прырастае другі месяц запар, у чыстым траўні тэмп 103%. Шэраг галін, такіх як фармацэўтыка, харчовая і хімічная прамысловасць, вытворчасць транспартных сродкаў дэманструюць устойлівы рост.

Рознічны тавараабарот за студзень-май павялічыўся на 7,1 працэнта.

Па выніках студзеня-мая 2026 г. упэўнена дадаюць інвестыцыі ў асноўны капітал: тэмп росту 101,5%. Прадпрыемствы працягваюць укладваць у тэхналагічнае абнаўленне: выдаткі на набыццё машын і абсталявання выраслі на 6%.

Экспарт тавараў і паслуг у студзені-красавіку 2026 г. (па метадалогіі плацежнага балансу) на 15,4% вышэйшы за ўзровень першых 4 месяцаў 2025-га. Экспарт тавараў перавысіў узровень аналагічнага перыяду мінулага года на 11,9%. Умацоўваецца супрацоўніцтва з краінамі "далёкай дугі". Дынамічна расце экспарт у краіны Лацінскай Амерыкі і Карыбскага басейна - на 31,6%, Азіі - на 43,1%.

Актыўна нарошчваем экспарт паслуг: у студзені-красавіку 2026 г. - на 28%. Асноўныя драйверы - транспарт, будаўніцтва і ІКТ-паслугі.

Працягвае запавольвацца гадавая інфляцыя: у маі яна склала 4,8%.

Устойлівая праца эканомікі дазволіла забяспечыць высокі ўзровень зарплаты - больш за 2 850 рублёў у студзені-красавіку 2026 г. Сярэдні памер пенсіі па ўзросту перавысіў 1049 рублёў.