Падтрымка інклюзіўнага і ўстойлівага развіцця прамысловасці ў Магілёўскай вобласці

Адным з прыярытэтаў працы Міністэрства эканомікі з'яўляецца інклюзіўнае і ўстойлівае развіццё прамысловасці ў рэгіёнах.

У верасні 2023 г. завершаны маштабны трохгадовы праект па стымуляванні патэнцыялу тэхналогій Індустрыі 4.0. у Брэсцкай вобласці, а ўжо ў пачатку кастрычніка запушчаны новы праект у Магілёўскай вобласці.

Праект міжнароднай тэхнічнай дапамогі «Садзейнічанне ўкараненню тэхналогій Чацвёртай прамысловай рэвалюцыі ў Магілёўскай вобласці Беларусі» адобраны пастановай Савета Міністраў Рэспублікі Беларусь ад 8 верасня 2023 г. № 592 і зарэгістраваны 12 верасня 2023 г.

Гэты праект рэалізуецца Арганізацыяй Аб'яднаных Нацый па прамысловым развіцці (ЮНІДА) і Міністэрствам эканомікі пры фінансавай падтрымцы Расійскай Федэрацыі.

Асноўнымі ўдзельнікамі праекта з беларускага боку выступаюць Магілёўскі аблвыканкам, закрытае акцыянернае таварыства «Тэхналагічны парк Магілёў» і міждзяржаўная адукацыйная ўстанова вышэйшай адукацыі «Беларуска-Расійскі ўніверсітэт».

У рамках рэалізацыі праекта ў Магілёўскай вобласці плануецца стварэнне пілотнага дэманстрацыйнага хаба па інавацыйнай вытворчасці і навучанні тэхналогіям Індустрыі 4.0. Дэманстрацыйны хаб аб'яднае доследна-дэманстрацыйны цэнтр Індустрыі 4.0 і Віртуальны тэхнапарк з функцыямі дыстанцыйнага інкубіравання, інавацыйных паслуг, маркетплэйсу і лічбавай навучальнай платформы.

Пастаўка абсталявання, распрацоўка інавацыйных і адукацыйных паслуг будуць базіравацца на патрэбнасцях прадпрыемстваў рэальнага сектара эканомікі.

У бліжэйшы час запланавана правядзенне паглыбленага аналізу патэнцыялу інавацыйнай сістэмы Магілёўскай вобласці з ацэнкай гатоўнасці прамысловых суб'ектаў для ўкаранення тэхналогій Індустрыі 4.0.

Для садзейнічання запуску пераходу прадпрыемстваў Магілёўскай вобласці на тэхналогіі Індустрыі 4.0 арганізуецца Праграма беражлівай вытворчасці, якая прадэманстравала сваю высокую эфектыўнасць у рамках папярэдніх сумесных праектаў Міністэрства эканомікі і ЮНІДА.

Даведачна.

У гэтай Праграме ўжо прынялі ўдзел каля 60 прадпрыемстваў рэальнага сектара, а эканамічны эфект перавысіў 30 млн. рублёў.

З адным з этапаў Праграмы беражлівай вытворчасці  можна азнаёміцца ў роліку.

Запрашаем прадпрыемствы Магілёўскай вобласці на бязвыплатнай аснове прыняць удзел у праекце, у тым ліку ў рамках Праграмы беражлівай вытворчасці.

Для ўдзелу ў Праграме прадпрыемству неабходна накіраваць зварот у ЮНІДА па электроннай пошце y.kniha@unido.org з копіяй у аддзел міжнароднай тэхнічнай дапамогі Міністэрства эканомікі minec_322@economy.gov.by.