У Мінэканомікі абмеркавалі пашырэнне паставак беларускай тэхнікі ва Уладзімірскую вобласць РФ

У рамках пашырэння эканамічнага ўзаемадзеяння з рэгіёнамі Расіі і падтрымкі экспарту айчыннай прадукцыі 12 мая 2026 г. пад кіраўніцтвам міністра эканомікі Юрыя Чабатара адбылася рабочая сустрэча прадстаўнікоў Мінэканомікі, Банка развіцця Беларусі і Уладзімірскай вобласці Расійскай Федэрацыі ў анлайн-фармаце. З расійскага боку ў мерапрыемстве прыняў удзел намеснік губернатара, міністр эканамічнага развіцця і прамысловасці Уладзімірскай вобласці Дзяніс Сіняўскі.

ААТ «Банк развіцця Рэспублікі Беларусь» і ААТ «Прамагралізінг»  правялі прэзентацыю новых магчымасцяў фінансавай падтрымкі для закупак Уладзімірскай вобласцю беларускай тэхнікі.

Па выніках сустрэчы бакі дамовіліся прапрацаваць фарміраванне адпаведных заявак з выкарыстаннем прадстаўленых інструментаў для задавальнення патрэбнасці рэгіёна ў беларускай тэхніцы.