У Мінэканомікі абмеркавалі пытанні прымянення меры прафілактычнага і папераджальнага характару ў дачыненні да бізнесу

Сёння, 11 верасня 2025г., у Мінэканомікі пад кіраўніцтвам намесніка міністра эканомікі Кірыла Машарскага адбылася рабочая сустрэча з прадстаўнікамі галіновых бізнес-саюзаў для абмеркавання праекта пастановы Ўрада па пытаннях прымянення прафілактычных мерапрыемстваў у кантрольнай (нагляднай) дзейнасці.

«Асноўная задача гэтай ініцыятывы – прапанаваць эфектыўныя інструменты, якія дапамогуць прадпрымальнікам загадзя выключаць магчымыя парушэнні, а не несці адказнасць за іх.  Прэвентыўнасць і справядлівасць – галоўныя арыенціры для правяраючых», – адзначыў падчас сустрэчы Кірыл Машарскі.

Удзельнікі мерапрыемства дэталёва разгледзелі ключавыя аспекты дакумента, сфакусаваўшыся на трох асноўных пытаннях:

эфектыўнасць прапанаваных мер прафілактычных і папераджальнага характару для суб'ектаў гаспадарання.

недапушчэнне супадзення прафілактычных мер з ужо існуючымі формамі дзяржаўнага кантролю (нагляду);

механізм ацэнкі эфектыўнасці дзейнасці кантралюючых (наглядных) органаў.

Па выніках абмеркавання выказаны шэраг канструктыўных прапаноў і рэкамендацый, якія будуць прааналізаваны і ўлічаны для далейшай дапрацоўкі праекта пастановы.