Устойлівая праца эканомікі забяспечвае апераджальны рост узроўню даходаў насельніцтва

Як раней паведамляў Белстат, тэмп росту ВУП па выніках 8 месяцаў склаў 101,6%.

Лідэрства па ўкладу і тэмпах росту ВДС захоўваюць будаўніцтва (110,6%) і інфармацыя і сувязь (104,1%).

За 8 месяцаў уведзена ў эксплуатацыю больш за 2,3 млн кв.метраў жылля – 110,7% да ўзроўню аналагічнага перыяду мінулага года.

Дынаміка ў ІТ-сферы звязана з павелічэннем попыту на айчынны софт пад патрэбы ўнутранага рынку.

Назіраецца некаторае запаволенне тэмпаў у вытворчых галінах. Пры гэтым выпускаемая прадукцыя карыстаецца попытам ўнутры краіны і за яе межамі. Экспарт тавараў і паслуг у студзені – ліпені на 1,2% вышэйшы за ўзровень аналагічнага перыяду мінулага года. Працягваецца нарошчванне паставак у краіны «далёкай дугі». Як вынік, захоўваецца трэнд на зніжэнне запасаў: іх узровень у параўнанні з 1 жніўня скараціўся на 0,7 п. п.

У сельскай гаспадарцы выпуск прадукцыі паскорыўся ў параўнанні з мінулым перыядам на 12,4 п.п. забяспечаны рост у жывёлагадоўлі – 101,9%: павялічылася вытворчасць малака – 104,5%, яек – 105,1%, сярэдні надой малака ад каровы вырас на 5,4%, сярэднясутачныя прывагі буйной рагатай жывёлы – на 3,9%. У раслінаводстве ў сувязі з завяршэннем масавай уборкі збожжавых каласавых тэмп палепшыўся на 37,1 п.п., але пакуль не перавысіў значэння мінулага года.

Сезоннае зніжэнне коштаў на плодаагароднінную прадукцыю спрыяла запаволенню гадавой інфляцыя ў жніўні – да 7,2%.

Па выніках студзеня-жніўня захоўваецца трэнд паскоранага прыросту інвестыцый у асноўны капітал – 14,5%. Гэтаму спрыяла нацэленасць прадпрыемстваў на сваё тэхналагічнае развіццё і мадэрнізацыю: выдаткі на набыццё машын і абсталявання павялічыліся на 20,2%.

Устойлівая праца эканомікі дазваляе забяспечваць рост узроўню даходаў насельніцтва – «плюс» 10% па выніках 7 месяцаў. Заработная плата ў студзені–ліпені 2025 г.перавысіла 2600 рублёў. Сярэдні памер працоўных пенсій дасягнуў 921 рубля.