Устойлівая праца эканомікі забяспечвае высокую дынаміку інвестыцый і рэальных даходаў насельніцтва

Як раней паведамляў Белстат, тэмп росту ВУП па выніках 10 месяцаў склаў 101,5%.

Лідэрства па ўкладу і тэмпах росту ВДС захоўваюць будаўніцтва (109,5%), інфармацыя і сувязь (103,5%) і транспарт (102,6%).

За 10 месяцаў уведзена ў эксплуатацыю больш за 3,2 млн кв.метраў жылля – 108% да ўзроўню аналагічнага перыяду мінулага года.

Дынаміка ў ІТ-сферы звязана з павелічэннем колькасці работнікаў.

Вынікі ў транспартнай сферы абумоўлены ростам пасажыраабароту на 6,6%.

Назіраецца некаторае запаволенне тэмпаў у вытворчых галінах: тэмп прамысловай вытворчасці склаў 98,7%.

У сельскай гаспадарцы выпуск прадукцыі паскорыўся ў параўнанні з мінулым перыядам на 0,9 п. п.і за студзень – кастрычнік 2025 г. склаў 99,9%. Забяспечаны рост у жывёлагадоўлі – 102,4%: павялічылася вытворчасць малака-104,8%, яек – 104,9%. У раслінаводстве аб'ёмы вытворчасці зніжаны на 2%, што абумоўлена зрушэннем тэрмінам уборкі кукурузы на зерне, выкліканым вясновымі замаразкамі, зніжэннем вытворчасці пладоў і ягад.

Экспарт тавараў і паслуг у студзені – верасні на 0,7% вышэйшы за ўзровень аналагічнага перыяду мінулага года. Працягваецца нарошчванне паставак у краіны далёкай дугі.  Высокімі тэмпамі расце экспарт паслуг: плюс «15,6%». Асноўныя драйверы – транспарт і будаўніцтва.

Трэці месяц запар запавольваецца гадавая інфляцыя: у кастрычніку яна склала 6,9%.

Па выніках студзеня–кастрычніка захоўваецца ўстойлівы трэнд прыросту інвестыцый у асноўны капітал-13,2%. Гэтаму спрыяюць тэхналагічнае абнаўленне і мадэрнізацыя прадпрыемстваў: выдаткі на набыццё машын і абсталявання павялічыліся на 17,3%.

Устойлівая праца эканомікі дазваляе забяспечваць апераджальны рост узроўню даходаў насельніцтва – «плюс» 10,2% па выніках 9 месяцаў пры прагнозе 3,8%. Заработная плата ў студзені–верасні 2025 г. перавысіла 2630 рублёў. Сярэдні памер пенсій склаў каля 930 рублёў.