Лічбы і факты: у чэрвені-жніўні кіраўнікі прампрадпрыемстваў плануюць рост аб'ёмаў вытворчасці і прыбытку

Пра гэта сведчаць вынікі кан'юнктурнага апытання, праведзенага ў маі НДЭІ Мінэканомікі.

Пазітыўную альбо стабільную дынаміку попыту адзначылі 70% удзельнікаў даследавання, аб павышэнні альбо захаванні аб'ёмаў выпуску паведамілі 68% кіраўнікоў.

Каэфіцыент загрузкі вытворчых магутнасцяў у параўнанні з красавіком вырас на 1 працэнтны пункт і склаў 67%.

Павялічыўся і сярэдні перыяд забяспечанасці прадпрыемстваў замовамі - да 3 месяцаў працы.

Захаванне альбо рост колькасці занятых на прадпрыемствах адзначылі 84% апытаных.

У летні перыяд, на думку кіраўнікоў, чакаецца ажыўленне попыту: рост прагназуюць 44% рэспандэнтаў. Доля дырэктараў, якія прагназуюць рост вытворчасці ў бліжэйшыя тры месяцы, склала 45%. Павелічэнне прыбытку плануюць 40% топ-мэнэджараў.

Прагнозныя ацэнкі інвестыцыйнай актыўнасці таксама носяць аптымістычны характар: у бліжэйшыя тры месяцы яе захаванне на ранейшым узроўні альбо рост прагназуюць 93% апытаных. У траўні сярод напрамкаў выкарыстання інвестыцый лідзіруюць абнаўленне (75%) і пашырэнне (36%) вытворчых магутнасцяў. У рэсурсазберажэнне і зніжэнне працоўных выдаткаў інвеставалі 24% і 17% кампаній адпаведна.