Інфармацыя па рэгістрацыі праектаў міжнароднай тэхнічнай дапамогі
У адпаведнасці з п. 18 Главы 4 Палажэння аб парадку падрыхтоўкі, разгляду і рэгістрацыі праектаў (праграм) міжнароднай тэхнічнай дапамогі, а таксама пералікаў тавараў (маёмасці, у тым ліку грашовых сродкаў), работ і паслуг, якія прадстаўляюцца для рэалізацыі гэтых праектаў (праграм), зацверджанага пастановай Савета Міністраў Рэспублікі Беларусь ад 21 лістапада 2003 года №1522 “Аб некаторых мерах па рэалізацыі Указа Прэзідэнта Рэспублікі Беларусь ад 22 кастрычніка 2003 г. №460” Міністэрствам эканомікі ажыццяўляецца рэгістрацыя праектаў на падставе:
1. рашэння Камісіі для міні-праектаў міжнароднай тэхнічнай дапамогі і праектаў, што рэалізуюцца метадам нацыянальнага выканання;
2. пастаноў Савета Міністраў Рэспублікі Беларусь аб адабрэнні канкрэтных праектаў;
3. уключэння праектаў у адобраныя праграмы МТД;
4. нормаў міжнародных дагавораў Рэспублікі Беларусь.
У выпадках, указаных у пунктах 1 і 2, атрымальніку не патрабуецца паўторнага прадстаўлення дакументаў.
У выпадках, указаных у пунктах 3 і 4, атрымальнік прадстаўляе ў Міністэрства эканомікі:
- зварот атрымальніка міжнароднай тэхнічнай дапамогі, складзены ў адвольнай форме (суправаджальны ліст);
- заяву аб рэгістрацыі праекта, складзеную па форме, усталяванай Міністэрствам эканомікі;
- арыгінал або завераную ва ўстаноўленым парадку копію праекта ў двух экзэмплярах;
- пераклад арыгінала праекта на беларускую або рускую мову ў двух экзэмплярах.