Інфармацыя да Закона Рэспублікі Беларусь №3-З
21 мая 2024 г. Кіраўнік дзяржавы падпісаў Закон «Аб ратыфікацыі пагаднення паміж Рэспублікай Беларусь і Рэспублікай Экватарыяльная Гвінея аб заахвочванні і ўзаемнай абароне інвестыцый».
Закон выказвае згоду Рэспублікі Беларусь на абавязковасць для яе Пагаднення паміж Урадам Рэспублікі Беларусь і Урадам Рэспублікі Экватарыяльнай Гвінеі аб заахвочванні і ўзаемнай абароне інвестыцый, падпісанай 9 снежня 2023 г. у г. Малаба.
Дакумент накіраваны на стварэнне прававой асновы для двухбаковых адносін у сферы інвестыцыйнага супрацоўніцтва, умацаванне гарантый абароны капіталаўкладанняў. Ратыфікацыя Пагаднення дасць магчымасць выкарыстоўваць дзейсныя механізмы для абароны беларускіх інвестараў у Экватарыяльнай Гвінеі, што будзе садзейнічаць больш інтэнсіўнаму развіццю гандлёва-эканамічнага супрацоўніцтва.
Пагадненнем прадугледжваецца:
стварэнне спрыяльных умоў для ажыццяўлення інвестыцый;
прадастаўленне інвестарам рэжыму ў адпаведнасці з мінімальным стандартам абыходжання з замежнікамі, прадугледжаным міжнародным правам, уключаючы справядлівае і роўнае стаўленне, поўную абарону і ахову;
абарона ад прымусовага адабрання маёмасці, раўнасільнай па наступствах экспрапрыяцыі і нацыяналізацыі;
магчымасць звароту ў міжнародны арбітражны суд для абароны сваіх правоў і інтарэсаў.