Алеся Абраменка: Адміністрацыі СЭЗ "Мінск" неабходна актыўна прыцягваць якарных інвестараў на гатовыя інвестыцыйныя пляцоўкі

Сёння, 30 красавіка 2024 г., працягнулася серыя рабочых нарад па пытаннях эфектыўнасці працы свабодных эканамічных зон пад старшынствам намесніка Міністра эканомікі Алесі Абраменкі. На пляцоўцы Мінэканомікі намеснік кіраўніка эканамічнага ведамства сумесна з кіраўнікамі камітэтаў эканомікі Мінаблвыканкама, Мінгарвыканкама і адміністрацый СЭЗ удзельнічала ў разглядзе прагнозу развіцця СЭЗ «Мінск».

У 2023-м СЭЗ «Мінск» спрацавала з ростам асноўных фінансава-эканамічных паказчыкаў. На бягучы год таксама вызначаны амбіцыйныя задачы: рост інвестыцый у асноўны капітал на 5 працэнтаў, экспарту тавараў на 8 працэнтаў, зарплат работнікаў на 11,5 працэнта, стварэнне каля 550 новых рабочых месц, рэгістрацыя 10 новых рэзідэнтаў.

Алеся Абраменка адзначыла, што за апошнія тры гады пры падтрымцы дзяржавы ў СЭЗ «Мінск» створаны аб'екты энергетычнай інфраструктуры: у Фаніпалі пабудавана новая электрападстанцыя і праведзены газаправод высокага ціску, таксама пабудаваны неабходныя сеткі дарожнай інфраструктуры.

Намеснік кіраўніка эканамічнага ведамства даручыла адміністрацыі СЭЗ «Мінск» актывізаваць працу па прыцягненню «якарных» інвестараў на гатовыя інвестыцыйныя пляцоўкі, узмацніць кантроль за ходам рэалізацыі інвестпраектаў дзеючымі рэзідэнтамі.