Алеся Абраменка: ключавыя задачы для СЭЗ «Мінск» - стратэгічнае планаванне, стварэнне буйных вытворчасцей, развіццё неабходнай інфраструктуры
Аб гэтым заявіла сёння намеснік Міністра эканомікі Алеся Абраменка падчас наведвання свабоднай эканамічнай зоны «Мінск».
СЭЗ «Мінск» займае лідзіруючыя пазіцыі сярод аналагічных прэфрэжымаў Беларусі па колькасці прадпрыемстваў-рэзідэнтаў, а таксама па асноўных фінансава-эканамічных паказчыках. Па выніках 2023 г. у цэлым СЭЗ спрацавала эфектыўна, на 20-50% выраслі аб'ёмы вытворчасці, экспарту, выручка і інвестыцыі.
У мінулым годзе найбольшы аб'ём укладзеных рэзідэнтамі СЭЗ інвестыцый забяспечаны ў развіццё вытворчасцей алюмініевых вырабаў, інтэгральных мікрасхем і мясной прадукцыі, а таксама ў стварэнне авіярамонтнага завода і лагістычнага цэнтра.
Пры гэтым дадаткова прыцягнута 8 новых рэзідэнтаў з сумарным аб'ёмам інвестыцый у 18 млн долараў і планамі па стварэнні 360 новых працоўных месцаў у сферах дрэваапрацоўкі, хімічнай прамысловасці, металаапрацоўкі.
Павышэнню прывабнасці СЭЗ спрыяе актыўная падтрымка дзяржавы ў стварэнні энергетычнай інфраструктуры: за апошнія тры гады прафінансавана будаўніцтва 4 аб'ектаў на суму больш за 45 млн руб., у 2024-2026 гг. будуць створаны яшчэ 2 такіх аб'екта з дзяржпадтрымкай на суму каля 50 млн руб.
На думку Алесі Абраменкі, у цэлым у мінулым годзе праца адміністрацыі СЭЗ «Мінск» з'яўляецца здавальняючай, але для паляпшэння гэтай дынамікі трэба канцэнтраваць намаганні на наступных аспектах.
«Першы – распрацоўка стратэгіі развіцця на бліжэйшую перспектыву. Ад сталічнай СЭЗ павінна зыходзіць больш новых ініцыятыў і прапаноў па паляпшэнні інвестыцыйнага клімату. Таксама ў рамках падрыхтоўкі прагнозных дакументаў развіцця СЭЗ трэба пачынаць працу па фарміраванні комплекснай стратэгіі развіцця СЭЗ «Мінск» да 2030 года.
Другі – прыцягненне новых інвестараў. Штогод у СЭЗ «Мінск» у якасці рэзідэнтаў рэгіструецца 6-8 новых прадпрыемстваў. Разам з тым, сярод іх недастаткова буйных праектаў, асабліва з замежным капіталам. Неабходна ўзмацніць работу па прыцягненню замежных інвестараў. Чакаем большай аддачы ад бюджэтных укладанняў у выглядзе новых буйных вытворчасцей.
Трэці – далейшае інфраструктурнае развіццё вытворчых пляцовак. Усе неабходныя буйныя аб'екты пабудаваны. Фінансаванне дапаможных аб'ектаў інфраструктуры (дарогі, унутраныя сеткі і гэтак далей) трэба забяспечваць з мінімальным задзейнічаннем бюджэтных сродкаў, пераважна за кошт фондаў развіцця СЭЗ», – падкрэсліла намеснік міністра эканомікі.
Таксама ў рамках рабочай паездкі намеснік міністра азнаёмілася з пляцоўкамі СЭЗ «Мінск» і наведала яе рэзідэнтаў ЗАТ «Штадлер Мінск» і ТАА «Ювелірны завод «Зорка», абмеркавала з кіраўніцтвам кампаній актуальныя пытанні дзейнасці і далейшыя перспектывы развіцця прадпрыемстваў.