Алеся Абраменка: рашэнні па абнуленні ўвазных мытных пошлін накіраваны на падтрымку прадпрыемстваў і галін дзяржаў - членаў ЕАЭС

Сёння, 22 красавіка 2024 г., намеснік Міністра эканомікі брала ўдзел у пасяджэнні Савета ЕЭК, якое праходзіла ў фармаце відэаканферэнцсувязі.

У ходзе мерапрыемства былі разгледжаны 23 пытанні парадку дня пасяджэння, у тым ліку ў галіне тарыфнага рэгулявання, мытнага супрацоўніцтва, развіцця электроннага гандлю, стварэння міжнароднай платформы развіцця навыкаў і прафесій і інш.

Саветам ЕЭК прыняты рашэнні аб прадастаўленні часовай тарыфнай льготы і вызваленні ад выплаты ўвазной мытнай пошліны адносна тэрэфталевай кіслаты і яе солей, асобных відаў абсталявання і часцей для будаўніцтва, аснашчэння, тэхнічнага абслугоўвання аб'ектаў вытворчасці і рэалізацыі малатанажнага звадкаванага прыроднага газу.

Па ініцыятыве Беларусі на тры гады былі абнулены стаўкі ўвазной мытнай пошліны па асобных відах ніцей з анідаў. Гэта рашэнне накіравана на аказанне падтрымкі вытворцам кордных тканін і прадпрыемстваў шыннай прамысловасці, сярод якіх "Гродна Азот" і "Белшына".