Юрый Чабатар: Беларусь зацікаўлена ў рэалізацыі доўгатэрміновых інвестыцыйных праектаў з Дзяржкарпарацыяй «Расатам»

Аб гэтым заявіў Міністр эканомікі, выступаючы на стратэгічнай сесіі расійскай Дзяржкарпарацыі «Расатам» па новых напрамках супрацоўніцтва і ўзаемадзеяння з Рэспублікай Беларусь.

Удзельнікі мерапрыемства абмеркавалі бягучы статус рэалізацыі праектаў расійскай карпарацыі на тэрыторыі Беларусі, а таксама перспектыўныя планы супрацоўніцтва на 2024-ы і 2025-2026 гады.

У сваім выступленні Юрый Чабатар расказаў аб стымулах да інвесціравання ў Беларусь, прадугледжаных абноўленым заканадаўствам.

Па словах кіраўніка эканамічнага ведамства, у рамках зацверджанай у верасні мінулага года Дарожнай карты па працы з расійскімі інвестарамі, зададзены арыенцір на падрыхтоўку і рэалізацыю сумесных праектаў у сферы энергетыкі непасрэдна з Росатомам.

«Беларусь гатова аб'яднаць намаганні з галіновымі падраздзяленнямі Расатама ў развіцці сумесных праграм супрацоўніцтва.

На завяршальнай стадыі распрацоўкі знаходзіцца Комплексная праграма расійска-беларускага супрацоўніцтва ў галіне атамных неэнергетычных і неатамных праектаў. Пералік напрамкаў вельмі шырокі: ад медыцыны, цыфравізацыі, экалогіі да тэхналагічнага пераўзбраення прамысловасці.

Акрамя таго, пачата практычная праца па развіццю адытыўных тэхналогій. Разлічваем і надалей прырастаць новымі сумеснымі праектамі.